بسم الله الرحمن الرحيم ...

كيفكم جميعاً ان شاء الله باتم صحه وعافيه ... اشكركم على ماتقدمونه سواء نصح او ارشاد او حتي تآزر مع اخونكم واخواتكم ...

حصلت لاقرب انسانه لي في هذا الوجود مشكله اشعر ان كلمت مشكله صغيره عليها بل معضله...

صديقتي قد تمت خطبتها وعقد قرانها على شخص من دوله خليجيه كانت بينهما علاقه حب وتم على ذلك الزواج ... الى هنا كل شي تمام ...ولكن لتدخل الاهل احيانا اضرار ممكن تحطم الطرفين ...اراد البعض فك تلك الخطبه وانهاء علاقتهم ولكن الزوج أبا ان يطلق ...ورفض ... تأزم الوضع الى حد وصل واحد من خوال البنت انه يهدد خطيبها ..خافت عليه لانها بتعرف خالها متهور ... المشكله الان بعد ان تم كل شي انقلب الحال الكل يسعي لخراب هذا الزواج والعمل على عدم اتمامه ...اخبر الزوج اهل زوجته بانه سوف يحدد موعد الزواج في شهر مارس القادم... انصدم من الرد بانه تم رفضه بحجج واهيه ...طبعا خبر خطيبه وحبيبته وقالت له ان الحجج الى قالوها اهلها واااهيه ومافيه شي من الى قالوه ..المسكين جا لبلدها وكلم اهلها استغرب انهم قالو طلقها مثل مادخلنا بالمعروف نطلع بالمعروف ... وهذا كله والبنت تبيه ولا لها علم في الى يحصل ...للأمانه الشاب مافيه اي شي يعيبه محترم وخلوق فوق هذا كله يحبها ولا يمكن انه يسبب شي يزعجها ...يعني مو مساله شايفين عليه شي مو زين ... الان اتفق وياها بما انها شرعاً على ذمته
انه يجي خلال شهر لديرتها وياخذها دون درايه من اهلها وبعد ماتكون معاه يخبر اهلها انه اخذ زوجته معه ... مشكلتها الحين انه هذا يوم مميز بحياة كل بنت تبي عرس وتبي فرح وتلبس الفستان ...لكن اهللها حالوا دون هذا الامر للاسف الشديد ... الحين هي تبي تخبره لان اكيد لما بتكون معاه بيدخل عليها حتي لو كان في باله يسوى فرح وعرس اكيد بيكون داخل عليها قبل ... وهي ماتريد هذا الشئّ.... تبي ليله زواجها مثل اي بنت واي حياه عاديه ...

هي بحاله يرثي لها بسبب تصرف اهلها السلبي الغير مبرر....تبي تعرف شلون تقنع زوجها بانها تريد يوم مميز في حياتها وهو يوم زواجها تبي تشعر مثل اي بنت ثانيه ... زوجها والشهاده لله متفهم والكل يحسدها عليه ...هل هي مشكلتها الخجل الشديد الى احيانا فوق المستوي العادي.... كيف تتصرف وياه وقد حسم الامر ...


اتمني تعجلون عليّ بالاجابه ولا تتاخرون كي اوصل ردودكم إليها

اجمل تحياتي وخالص شكري