فتاة تعاني من كآبة سببها خطيبها.. من يساعدها باقتراح؟

19-07-2006, 01:42 PM

#21

مشاعر مرهفه

قلم مبدع

تاريخ التسجيل: Mar 2005

المشاركات: 1,063

اخخخخخخخخخخخخ ... جيتي على الجرح بالظبط ...

أنا صار لي مخطوبه سنتين وانا وخطيبي على نفس الموضوع ماغيرناه ...

ليه ماتصلت الفتره الماضيه ?? نفس السؤال يتكرر من قبلي في كل مكالمه ...

ونفس الرد دائما من عنده .. مشغول ومو فاضي ...

انا هريت خطيبي عتاب ولوم وتانيب وتعنيف وتهديد وصياح ونياح وبكاء

...

وهو هراني عناد وتطنيش وتبلد وبرود وعناد

...

احيانا في لحظات عصبيتي اهدده بالانفصال ...

يقوم يستغل الامر و يزيد بالطناش بعذر اني كيف يهون علي ارتباطنا ... وكيف اطلب الفسخ بالسهوله هذه ...

والله حاااااااااله احنا الاثنين ...

حتى الاهل تدخلوا اكثر من مره عشان يصلحوا بيننا ... نتصالح ونراضي بعض ..

وبعدها ترجع ريمه لعادتها القديمه ...

انا صار لي ثلاث سنوات وانا في هذا المنتدى ...

ومن ملاحظاتي ان ثلاثة ارباع المخطوبات في عالم المقبلين على الزواج يعانوا من نفس المشكله هذه ...

الرجال هذولي عالم خاص يصعب علينا فهمهم ...

كائنات غريبه بالفعل ... مالهم في المشاعر والرومانسيه وخرابيط الحريم هذه ...

الواحد منهم في أول شهور الخطوبه يكون روميو زمانه ...

يهلك البنت اتصالات ومسجات وحب وغرام وقصايد ومعلقات ...

ويجلس طول الليل ماينام وهو هيمان يعد النجوم ... ويغني ياليل ما اطولك ...

كل هذا عشان البنت تحبه وتتعلق فيه ...

واول مايحس انها بدت تحبه ... وصارت مضمونه و في الجيب ...

ياخذ اجازه طويلة الامد منها ... يتجاهل ويطنش ... ويتفرغ لشغله واصحابه وطلعات البر وبس ...

ومايتذكر يتصل لها الا يوم الجمعه عشان يقول لها جمعه مباركه ... واحيانا ينسي ولا يطنش ...

والمسكينه تظل تحرق جواله اتصالات وينك وليه ماتصلت وليه ماساءلت وليه مطنش وليه تغيرت .... وليه وليه وليه ...

وهو يغني لها من غير ليه .. مشغول .. عندي دوام .. مو فاضي ..

مقدر اكلمك الحين انا مع ولد عمتي ... انا مع الشباب اتعشى ... انا في المكتب ... انا على الخط السريع ...

ويسكر السماعه في وجهها ...

واحيانا من يشوف الرقم يطنش ومايرد ويخليها تكرر الاتصال لين تتعب هي وتمل ...

اييييييييييييه هذا حال الدنيا ... يوم لك ويوم عليك ...

تزوج وابتسم للحياه

...

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 06:24 AM.

روابط سريعه