ساعدوني بالحلول قبل ان يقع ما لا أريده,,
السلام عليكم ورحمة الله وبركاته,
أسعد الله أوقاتكم بذكره والمسرات ,
سأدخل في صلب الموضوع..
يا اخوة انا في حيرة من امري واحتاج أرائكم السديدة تملكت على امرأة ذات دين وجمال وخلق وأدب ما شاء الله لا قوة الا بالله ,
ولكن المصيبة أن البنت ما تدري وين الله حاطها من ناحية الحياة الزوجية من ناحية معاشرة الرجل للمرأة والثقافة الزوجية,
تخيلوا في مرة من المرات كنا في قمة الرومانسية وكلام الحب والغزل قلت:
"ودي ألمس خدودك" زعلت علي وقالت انت تعديت حدودك
, وصار زعل الين ما قلت لها ووعدتها ان ما راح افتح معك المواضيع هذا مرة ثانية .
مرت الأيام تلو الأيام والشهور وحنا على سالفة ان مافيه كلام سري على قولتها ,
و زواجي راح يكون بعد شهر ونصف ,
والحمد لله على تيسير الأمور ,
وكلمت ام البنت (عمتي) وقلت لها البنت ما تدري وين الله قاطها ومع النقاشات قالت تطمن انا راح افهمها الوضع ,
وقبل شوي توها كلمتني على الجوال تقول تخيل أمي قالت لي كلام سري , شيء لا يتقبله العقل والدين وبصراحة كبدي تحوووم ودي ارجع.
انا قمت أضحك وأقول بخاطري "هذا بلاء ابيك يا عقاب"
قالت مستحيل يصير كذا صحيح الكلام اللي قالته امي؟ ,, اقول لها وش قالت أمك تقول قالت كلام خسيس قلة أدب ما يصير أقوله ..
البنت مرة تضحك وتتكركر وتقول بطني يوجعني , 
ومرة تقول يالله مع السلامة أبي أسكر
عاد وانا اضحك قلت لها ماراح يجي المولود الا كذا قالت خلاص مااااااااابي عيال.. (عشنا !! ) ,,,
هبلت بي ,,
قولوا لي وش الدبرة مع هذي البنت اخاف اقول لها شي افهمها شي وتقول انت نصاب تبي تلعب علي وتزعل ,
قلت لها راح اجيب لك كتاب قالت شف اذا الكلام فيه قلة أدب والله راح أقول لأمي عن الكتاب وافضحك ,, تخيلوا,,,
مو متخيلة اني زوجها تفكرني ولد الجيران .
تقول انا ماراح اقرى الكتاب اللي عطتني اياه امي احسه قذر ,
اعينوا اخيكم
ضـرغـام
__________________
الموتة واحدة فاجعلها شهادة في سبيل الله
11-07-2006, 04:18 AM
ضوابط المشاركة
العرض الشجري