زوجي مللني والله..........
ما بعرف من وين بدي أبلش زوجي بصراحة ما بيعتني بنفسه دائما راكضة وراه ( أـحلق ذقنك, مشط شعرك , غير ملابسك ....الخ) والله مليت وحكيت معاه أكتر من مرة واتبعت أسلوب السياسة كمان بس ما في فايدة وحاولت أني أطنش كمان ما قدرت هو مقتنع أنو الشكل الخارجي مو ضروري وانو حلو الأنسان يبقى على طبيعته حتى لما نطلع زيارة عند ناس بعض الأحيان ببقى بالبجامة تبعته عمركم شفتو هيك ...
يعني أنا من حقي أني أشوف زوجي متزينلي وأشوفه بأجمل صورة متل ما أنا بتزينله صرلي سنتين متزوجة ولحد الأن عم بعاني من هالمشكلة ....
ساعدوني شو أعمل معاه والله مليت من شكله بس بحب أحكيلكن أنو هو نظيف يعني بعتني بملابسه الداخلية وأظافره بس المشكلة بشكله وهاي الشغلة مأثرة على نفسيتي كل ما بتطلع فيه
وبحب أشكر هالمنتدى الرائع