أتمنى تعطوني حل لمشكلتي
السلام عليكم ورحمةالله وبركاته
اولاً مشكلتي انه اذا كنت جالسه انا وزوجي مع بعض في البيت او في السياره او اي مكان ما اتكلم طول الوقت ساكته هوه يسولف وانا اسمع وارد.واخر مره توه قريب سافرنا فرنسا تصدقون طول ثلاثه الايام الاولى ساكتين ولا تكلمنا في اي شي لانه الصراحه عندي طفل عمره سنتين وتسع شهور مجنني شقي فكل همي انه انتبه له.فقال لي زوجي وش ذا الحياه ترى والله مليت لا تسولفين ولاتتكلمين في موضوع بس ساكته قلت ان الولد ماعطاني فرصه قال طيب شوفيه الحين نايم ليش ماتتكلمين انا الصراحه ماعندي شي اسولف فيه كل الي عندي يعرفه فقلت له وش اسولف فيه تبي اقول كلام قد قلته من زمان وش اقول مافيه شي جديد لااروح لأحد ولا اطلع كثير فماعندي سواليف.احنا طبعا موجودين الحين في بريطانيا بسبب دراست زوجي طبعاًهوه طول الوقت مسكر عليه المكتب ويدرس مانشوفه الا اذا بيتغدى او يتعشى وزياده مانجتمع على الاكل لان اكله مو زي اكلنا يسوي رجيم.الحمدلله الحين خلص البحث فرحنا نغير جو في باريس والله ودي اني اسولف واتكلم معه والله انه مايستاهل هوه طيب معي ودائماً يحاول يرضيني باي شكل وش الحل ساعدوني مع العلم اني اتكلم كثير مع اهلي وصديقاتي وسلامتكم ماالحل؟؟؟؟؟؟