السلام عليكم ورحمة الله وبركاتة
انا كتبت موضوع من قبل عن مشكلتي اللي مازلت للآن عليها!! بس الأمر تطور وحالتي ساءت ونفسيتي جداً تعبانة.. والله لو ربي يآخذني له أكيد باكون مرتاحة من حياة الجحيم اللي انا عايشتها في هالدنيا
ماعندي أحد اتكلم له عن اللي بقلبي .. ومالقيت غيركم حق تسمعوني وتنصحوني لأني فعلاً محتاجة النصيحة اللي الكل بخلان عليّ بها ،،

انا كنت أحب شاب وتقدم لي لكن اهلي وقفوا في طريقي وقطعوا رزقي برفضهم له .. وماصار نصيب ،، انا مؤمنه بأنه لو كان فعلاً نصيبي واهلي رفضوه كنت بتزوجه بتزوجة ،، ولو ماكان نصيبي واهلي موافقين ماكنت بتزوجة ، لأنه نصيب مكتوب..
بس مشكلتي انا انو ماقدرة انسااااااه .. حاولت بس ماقدرت .. مع انه خطب وتركني ، وانا حاولت انساه حاولت ابعد تفكيري عنه وحاولت اتجنب كل الاشياء اللي تذكرني فيه بس مو قادرة انساه والله حتى بالمنام يجيني
علاقتي مع اهلي صارت سيئه بسبب رفضهم له .. ماصرت احب اجالسهم وصرت انام وقت جلوسهم واجلس لما البيت يخلى
مع ذلك محد حاس فيني !
اخوي هو اول واحد اعترض على زواجي منه ، واخوي الحين متزوج وعايش بمنطقة ثانيه ولا يدري عني!
امي ماهي حاسه فيني .. وتعمل حالها مستغربه عن تغيري وكأنها ماقطعت رزقي وخسرتني الانسان الي من كل قلبي حبيته وتمنيته
خواتي اخواني محد حاس فيني .. ولا احد يسأل عني
انا الشيء اللي متعبني هو نفسيتي السيئه ، احس نفسي بستجن من الحاله اللي تصيبني
دائماً اتخيل الشاب اللي حبيته وتقدم لي مع بنت ثانيه!! مع اني ماشفت خطيبته ... بس دائماً اتخيله جالس مع بنت ومو قادرة استوعب انه خطب فعلاً ونساني... لما اشاهد مسلسل ويمر مشهد رومنسي .. اقول معقول يحكي كذا لخطيبته ؟؟ لالا مو معقول لانه اكيد مانساني وللحين يذكرني .. وهذه حالتي ... مو قادرة ابتعد عن هالطريق .. لانه مو بيدي
احس نفسي بمووووووووت من حالتي وتخيلاتي اللي مالها نهاية
واحس اني فعلاً مريضة نفسياً من اللي قاعد يصير لي ... خصوصاً لما احد يتقدم لي ، احسه آخر يوم بحياتي واجلس ابكي ودائماً ارفض لاني ماتخيل نفسي اكون زوجة لشخص ثاني غير اللي تمنيته
احياناً .. احط في بالي لما احد يتقدم لي ويكون مناسب لي راح اتكل على الله ،، بس لما تصير الحكاية جد وانخطب ارفض حتى وإن كان المتقدم مناسب بس انا مو قادرة اتخيل نفسي مع شخص ثاني
وحرام اظلم انسان واتزوجه وانا ماحبه وافكر في غيره .. مابي اكون خاينه ..
اتخيل حياتي واحس نفسي بتعذب كثييييييير لو وافقت على احد المتقدمين ،، وبرضو بتعذب لو بقيت في بيت اهلي وانا مو مرتاحه معاهم خصوصا ان كابتين عليّ , ومعظم وقتي بالبيت ماطلع منه إلا على المستشفى لأن نفسيتي اثرت على صحتي

مليت وتعبت والله تعبت
والله ان علاقتي مع ربي اقربها بالصلوات والدعاء .. يومياً وفي كل وقت ..

انصحوني شسوي !!