لاحول ولاقوه الا بالله
والله نفس الكلام اللي اقوله بيني وبين نفسي ... نفس معاناتي والمي .....
حتى انا صرت فاقده الثقه بكل الناس ... الكل يقول نبغى اخلاقكم ودينكم وسمعتكم اللي مثل المسك ماشاء الله .. وبعدها ... يجون يتسلون ولايصير شي ...
مو سبعه اللي خطبوني بس ... خطبوني سبعين ... ويتراجعون بعد مايحطون لنا الشمس بيد والقمر بيد ....
واللي يقهر ان فيه ناس ماهمهم كيف يجرحون مشاعري او مشاعر اهلي ... يعطون ايحاء بالموافقه والرضا وبعدها مانشوف الا غبارهم .. ومن غير مايقولون لنا ايش السبب ....
مره اقول حسبي الله عليهم ومره اقول الله يسامحهم ....
اخوي الله يهديك انت شاب ... وكثره الخطبات هذي مااظن راح تأثر عليك كثرماراح تأثر علي بنت مثلي ....
تخيل اخواني يضحكون علي يقولون انتي شينه اصلا ..شوفي كثراللي خطبوك وانحاشوا ....غير كذا كلام الناس في سبب عدم زواجي بالرغم كثره الخطاب علي ..... زيد عليها سالفه العمر اللي يقضي على الأنثى ... ويرفع قدر الرجل ويعزه ويرزه ويعطيه هيبه ومقام ووقار قدام الناس .... الرجل يقوولون عنه ماشاء الله كبر وثقل وعقل ولله الحمد حتى لو ماتزوج البيوت مفتوحه له طول العمر ...
لكن البنت تدري ايش يقولون ؟؟؟؟ يقولون باااااايره حتى لو هي بعز شبابها ....
اللهم اعوذ بك من بواري وتأخر زواجي وبطئيه قعودي ياااااا ارحم الراحمين .....
الله بيرزقك الزوجه الصالحه بأذن الله عاجلا غير اجل .. وصدقني ... ترا اللي رفضوك كثير منهم يجي يوم ويعضون اصاابع الندم عليك .... وانت المفروض اصلا ماتفكر فيهم لأن ماشاء الله مواصفاتك والله ماترد ....
يكفي انك امام مسجد ماشاء الله .....
لاتنساني من دعواتك ... واسال الله العلي القدير ان يعجل بزواجك ويرزقك زوجه وذريه صالحه ...
اللهم امين
19-05-2006, 05:03 AM
ضوابط المشاركة
العرض الشجري