m3mdoh
أشكرك اخوي عالتعقيب وادعي ان الله يهديني ....
المستجدات
بينما انا ارد عليكم اتصل فيني الزوج.... وكلمته والحمدلله بمزاج عالي ورايق
حتى انه طولنا بالسالفه وتكلمنا بشكل جدي
واول مره احس اني مثل باقي المتزوجات... اقدر اناقش بعقل... طبعا مع اشويه بهارات من سوالف الحريم...
بس فعلا جابلي الاكتئاب
سألته لين متى الدوره يقول: اقول ولا ما اقول؟!!!...... قلته قول: بعدين خف قلت لا تقول اصبر..
استعديت وقلته قول: قال ما تزعلين ، قلت: اوكي... انا اصلا خلاص صرت جاهزه حق الاسوء
قال انا شكلي بطول بالدوره...... صمت......
قلت يعني كم: اسبوعين؟..... شهر؟؟!!
قال: زيدي!!!!!...... قلت: شهرين؟ سنه؟
قال: احتمال.... واحتمال اكثر من جيه؟!!!!!
قلت: قول وريحني؟!!!......قال: يمكن ينقلوني على طول.............................
.................صمت...................
....................صمت..................
..................صمت...................
قلت بشكل لا ارادي: وانا ... وولدك....؟؟!!
قال: طبعا بتكونون معاي....!!!!....
وسكت وقعدت اسمع بدون كلام كنت ابى ابستوعب الصدمه....
هو: مو أكيد بكره نعرف.....!!!!...
انا ما اقول ان شاء الله لا لانه عسى ان تكرهوا شيئا وهو خير لكم بس.....
حطوا نفسكم بمكاني ... مكان تعودت عليه من ولادتي .... يجي الحين بكل سهوله يغير...
انا: بس انا ما اقدر اعيش اهناك ..... ما اقدر اعيش بعي عن اهلي بضيع(حسيت اني خربتها) فقلت:.....
ولا أقدر اقعد اهني لاني ما اقدر اعيش بدونك.... انا بموت...
وقعد يشرح لي عن الفرصه اللي اهناك ومميزات المكان وان لازم تحسين ولازم تفكرين على جدام...
قلت له: (واحس هالكلام نابع من نصايحكم لي): انا ما اعترض على هالشيء ونحن لازم نفكر بمستقبلنا
بس عطيني مجال عبر لك عن شعوري وحس فيني.... قال: انا حاس بس المستقبل أهم...
قلت: ادري بس... وقعدنا نتناقش بشكل جدي عن السكن ودراستي وغيرها...
قاعد يكلمني وكأنه مخطط لكل شيء حتى انه محدد مكان السكن...!!!...
حسيت اني برد لطبعي القديم بس مسكت نفسي... وقلت الله يقدم اللي فيه الخير....
في جزء من الكلام ما راح يفيدكم بس انا فعلا فرحانه بنفسي عالتغير اللي قاعد يصير لي...
قال: يعني لو سكنا بشقة يقدرون اهلك كل اسبوع ولا اسبوعين يجون عندنا..!!!....
انا:
.... سبحان الله يا الريايل انتوا كيف انانيين... يعني ما قلت تروحين لهم كل اسبوع مثل ما انت تسوي...
حسيت طاح وجهه وحاول يطلع نفسه من الورطه...
قال: انا مو انااني..... كسر خاطري
قلت: مو انت انا قلت انتوا الريايل...وبعدين هالشيء متوقع لا تخاف انا ما زعلت ادري الريال ما بيخلي حرمته
تسوي نفس الشيء اللي هو يسوي .... خلنا ساكتين احسن...
حسيته ما صدق انقذته من الموقف... سكر الموضوع
............
بنات شو رايكم بالفرق؟؟؟؟؟!!!
............
الله يخليكم ادعوا لي باللي فيه الخير لنا .... حسوا فيني وادعوا ان الله يسعدني بأي مكان مع زوجي
هالشيء الوحيد اللي بيصبرني اذا هاجرنا===> هاجرنا مره وحده كلها ساعة درب.....
اقول ولا ما اقول؟!!!!...
استغفر الله ... اللهم لا اعتراض...
بس ما تحسونه عقاب من ربي ؟!!!..
15-04-2006, 08:28 PM
ضوابط المشاركة
العرض الشجري