السلام عليكم ورحمة الله وبركاته ...
اخواني واخواتي احب اشكركم علي وقفتكم معاي مشكورين وما قصرتوا ....
وراح احكي لكم السالفة هي اغرب من الخيال انا لحين مو مصدقتها والسالفة هي ...
لما اخوي راح لعمي وتكلم معاه وقاله السالفة عمي قاله ان الموضوع ما ينسكت عليه لين ما يرجع خطيبي يوم الجمعة
ولازم نشوف حل لهل السالفةوراح اخوي وعمي لاهل الشاب بس هو ما كان موجود واستقبلهم والد الشاب وقاله عمي السالفة كاملة وعيب الي يسويه ابنك مع بنت اخوي ...
قاله والد الشاب انا احكي لكم حكاية ولدي من سنتين كان يدرس في الجامعة واتعرف علي بنت وحبها واتفق هو واياها ان يجي يخطبها من اهلها ورحن ويوم ما رحنا نخطبها قال والد البنت ان انا ما عندي الا بنت وحيدة وهي الحين في بيت زوجها كان عرسها من يومين علي ابن خالتها وهو خاطبها من اكثر من 4سنين بصراحة ابني ما اتحمل هل الصدمة وصارت له حالة نفسية وظل في المستشفي فترة طويلة...
وساله عمي وايش دخل سالفة هل البنت في بنت اخوي ...
قاله بقولك وفي يوم دخلت بنت اخوك عندنا في المحل والشاب كان تواه طالع من المستشفيوكان معاها اخوها وبصراحة انا لمل شفتها ما صدقت نفسي .... صورة طبق الاصل من البنت الي كان يبي يخطبها ومن ذاك اليوم وهو يتقدم لخطبتها بس انا ما كنت اوفق وفي اخر مرة سمع اني انخطبت وقامت القيامة عنده...
ومن ذاك اليوم وهو شهر في المستشفي واسبوع معانا ......
وطاب عمي من والد الشاب انه يسوي تعاهد علي ابنه ما يتعرض لي او لاحد من اهلي او لخطيبي ووافق والد الشاب ... وما رحع اخوي وعمي وحكوالي السالفة الا وانا ميت مائة موته.....
بذمتكم مو قصة اغرب من الخيال...