بسم الله الرحمن الرحيم




والله مااعرف من وين ابدأ لاني اعاني من مشكله كرهتني في نفسي وفي حياتي

اتمنى انكم تطولوا بالكم معاي وتسمعوني للاخر

انا زوجه عمري 27 سنه متزوجه من ست سنوات من رجل جمعتني فيه علاقه حب من طرفه فقط ,

ولكن بعد الزواج احببته حب كبير , وكان يدللني دلال ماحد يتصوره , وللعلم انا امرأه فائقه الجمال تعودت

الاطراء والمديح من لما كنت طفله اي حد يشوفني لازم يعلق على شكلي ومو مدح في نفسي بس عشان تتابعون

تطورات حياتي , المهم بمرور سنوات الزواج صارت حياتنا عاديه يعني فقدت كلمات الاعجاب من زوجي وقل اهتمامه

فيني بس لازلت احسه يحبني كثييير , وبعكسه استمرت كلمات الاعجاب اسمعها من الخارج في المدرسه من الطالبات

والمدرسات , في السوق نظرات الاخرين لقامتي مع العلم اني متستره وملتزمه بالنقاب .

المهم اني تعودت اني دائما متميزه واي مكان اروحه اسرق فيه الانظار حتى بنوتي الصغيره

بدأت تجتذب المديح من الان لانها تشبهني على قولهم نسخه منك .

واذا قلت لزوجي فلانه قالت عني كذا او كذا يسوي نفسه ما يسمع , ومرة قلت له انه في وحده مدرسه

تقول ماارتاح اذا ما واجهتك عشان اتاملك وانتي تتكلمين , ارجوكم لا تقولوا عني مغروره بس المجتمع

هو الي خلاني كذا , قال لي زوجي شي طبيعي لانك حلوة ولازم تقول كذا .




المهم المصيبه الكبيره هي انه زوجي دخل نظام الانترنت للبيت , وهو على فكره لاهي عني

باصحابه وتجارته , وانا مش من النوع النكدي عمري ما صارخت عليه او زعجته مجرد اعطيه رائي

اني متضايقه من اهماله لي بس هو يقول انا الي اسويه لك ولبنتك ,(خروجه مع اصحابه 24 ساعه

لصالحي انا وبنتي ؟)

المهم انشغلت انا بالنت وفعلا سجلت في منتديات وارتحت كثير وشغلت ووقتي واستفدت ,مرة من باب


الفضول دخلت شات , وصرت اتفرج وشوي شوي صرت اشارك في السوالف لين ركزت على شخص واحد

من خلاله حمل لي برنامج الماسنجر واضافني عنده , فتركت الشات واكتفيت بسوالفي معاه , المهم مع

مرور الوقت صار يسمعني كلام غزل وفعلا اشبع لي عاطفتي وحاجتي للكلام الحلو , بس ماكان يعرف اني


متزوجه مع انه متزوج وعنده اولاد , المهم حاول فيني اعطيه رقمي بس انا رفضت لين استسلم وماعاد طلبه مني

بس مرة هو قال لي في كلامه انه رايح مع زوجته المكان الفلاني ورحت انا نفس المكان بدون ما يعرف وشفته

بدون ما يشوفني , هو وسيم بصراحه وزوجته بعد تبين حلوة , ولما كلمته بالماسنجر خبرته اني شفته وحلفني

وين كنت انا وخبرته , فتجنن علي وحلف لي انتي هي وكيف انه انصدم لاني ما كنت اقول له اني حلوة او اوصف

له جسمي وغيره , ( المكان الي شافني فيه مكان عوايل فاغلب الحريم يكونوا كاشفين لانه المسافات متباعده

بين العوايل نوعا ما ) المهم زاد تعلقه فيني , بس يشهد علي الله انه اني ارفض منه اي كلام غير لائق مهما كان ,

بس كان يتفنن في كلام الحب والغزل .

اخواني واخواتي الحقوني ايش اسوي انا حتى الحين ما عطيته ولا راح اعطيه اي شي لا رقمي ولا غيره

بس المصيبه اني صرت في ناااااااااااااااااااااااااااار ما يعلم بها الا الله , واقول لنفسي دايما انتي خااااااااااااااااينه

خاااااااااااااااااااينه , بس ايش اسوي اعوذ بالله ماقدرت اترك الماسنجر , الحين صرت اقلل ما اكلمه الا مرة في ا

الاسبوع , ما تتصورون كيف كرهت نفسي صرت اشوف نفسي بشعه , مااقدر اتكلم مع زوجي حتى وانا في

اعز اللحظات معاه افكر مدى خيانتي .


ارجوووووووووووووووكم اتوسل اليكم لا تهملوا مشكلتي ردوا علي عطوني حلول عمليه اقدر اطبقها

لا تلوموني وبس لاني مكفيه نفسي لوم وعتاب , اريد حد يعطيني حلول عمليه , وللعلم انا مدرسه لي مكانتي

بين اهلي واهل زوجي وفي نظرهم انسانه متكامله , ما يعرفون اني وحده خاينه ما تستحق تعيش ,اذكر مرة كنت

مع زوجي على الشاطئ نتمشى وكان حاضنني وبعدين يحاول يسبقني , يالله كنت اضحك معاه وقلبي يبكي من

تأنيب الضمير , هو واثق فيني ثقه عميااااااااااااااااااء .

ارجووووووووكم ساعدوني قبل لا يكشفني زوجي واندم حيث لا ينفع ندم