أخي العزيز:
العادات والتقاليد من الصعب تغييرها..يمكن هي راضية تطلع معاك بس خايفة أهلها مايوافقون .. أما بالنسبة للكلام الحلو فهي غلطانة.. يعني هي زوجتك شرعا وإذا فترة الخطوبة مو وقت الكلام الحلو عيل متى وقته؟؟
إنه مثلا زوجي من دولة ثانية وفترة الخطوبة ياخذ اجازة عشان يجيني 3 أو 4 أيام.. وفي هذي الأيام ماشوف هلي إلا دقايق.. من الصبح يمر علي ونطلع ندور نروح نجي ومانرجع إلا نص الليل.. لا ويتم قاعد في بيتنا إلى اذان الفجر.. وطبعا كلام حلو وغزل.. يعني هذي وقته.. بعد الزواج مسؤوليات وعيال والكلام الحلو في بداية الزواج بعدين يفقد حلاوته مع مرور الايام.. ولا تتوقع إن الكلام يخلينا نتمادى أكثر..لا.. مثل ما الكلام المعسول وقته فترة الخطوبة الأشياء الثانية وقتها بعد الزواج
(وكل شي بوقته حلو)