ساعدونى مش قادرة انفصل عن بيت اهلى.....
السلام عليكم ورحمه الله وبركاته
أخواتى فى الله...
هذا المنتدى من اعز الاماكن على قلبى وكل من فيه والله حبيباتى فى الله لذلك قلت أخذ رأيكم فى مشكله ربما تتعرض لها بنات كثيره ولكنى الى الان لم اجد حل لمشكلتى..
أنا الفتاة الكبرى فى اسرة مترابطة جدا ومتدلعه جدا من والدى لانىالكبيرة كذلك فانا أنتمى لبيتى واسرتى بشكل غير طبيعى (بل اعشق بيتى واخواتى وامى وابى بجنون) حتى ايام ما كنت فى الجامعه كانت كليتى فى مكان بعيد عن منزلى وهو ما اضطرنى الى الاقامة فى بيت للطالبات لكنى لم اكن اقيم فيه اكثر من يوم واحد فى الاسبوع واجهد نفسى اغلب الاسبوع فى السفر وقلة النوم بس ( لا ابعد ابدا عن بيتى)... حتى انهيت دراستى الجامعية وبدأت فى مرحله الماجستير والعمل فى الجامعه وبرضو نفس الحال ( سفر*سفر)
فى الصيف الماضى وتحديدا من (5 شهور) تزوجت والحمد لله من زوج طيب وحنون وعلى قدر من الثقافة واحبه بجنون والحمد لله وهو طبيب(يعنى اغلب وقته مشغول جدا) المشكله فى انى لا احب بيتى الجديد الى صمتته ركن ركن بوصفى مهندسة ديكور وكنت اتمنى انى اعيش فية لاعجابى الشديد بالفرش والديكور ولكنى ما ان ذهبت اليه حتى بدأت ابكى بشده ولا ارتاح فيه بل اتعامل على انى مجرد ضيفه فيه اخاف اوسخ شىء فى البيت او اى شىء يتم تغيرة من مكانه وكأنه ليس بيتى .. من شهر تقريبا تعبت فى حملى وكان لازم انام فى السرير لمده طويلة وطبعا رحت بيت اهلى ولا تتخيلوا سعادتى لانى مش هارجع الشقة دلوقتى بس المشكلة انى زوجى طبعا متضايق جدااا من انى كارهه الشقة وكل لما يقولى نرجع ابكى بشكل فظيع
وسؤالى لكل المتزوجات كيف تعودتى على بيتك الجديد بعد زواجك؟ وكيف اعتبرتية بيتك ونسيتى غرفتك واخواتك وامك وابوكى ؟؟ ساعدونى بجد انا تعبانه جدا ... على فكرة انا عندى 26سنه يعنى مش طفلة لكنى مش قادرة انفصل عن بيتى ابدا
16-02-2006, 05:04 PM
ضوابط المشاركة
العرض الشجري