موضوع لم يمر سابقا ان حادثتكم فيه
لكنه تافه جدا

جوالي سيئ جدا في الارسال
وكنت اود ان اشتري لي جوال

لكن زوجي يرفض بشده ان يشتري لي
جوال به بلوتوث فقط كاميرا وتردد لذلك

المهم تركت الموضوع ولم اشد عليه
قلت له انت الان ليس لديك جوال بلوتوث
لكن اذا اشتريت لك فيه بلوتوث
سأشتري لي .......... قال انا
ماعندي هالحين واذا جاء وقته يصير خير
((( عذرا مره بالعاميه اكتب ومره بالفصحى ))))
لاني تعبانه حيل ونافذ صبري واحس انهنت كثير


اكمل
يوم الاربعاء سافرنا لدوله قريبه عشان الاكتتاب
انا وزوجي واخوه وزوجته
راحو هم لكي يكتتبون
وجلست انا معها بالسياره
وجلست تقولي وش له هذا في السياره
وهذا المكان حق وشو
وجلست افتح في مكان للنظاره مخصص في السياره
الاول ماكان فيه شيئ المكان الثاني كان فيه جواله القديم
الثالث























جوال الشيطان وشكله جديد
جن جنوني وفقد عقلي وصوابي
لكني حاولت ان اخفي كل تلك المعالم امام زوجة اخيه
لاني لا احب ان يشاركني احد لا من قريب ولا من بعيد
في ادق تفاصيل حياتي الزوجيه
لذلك كتبته لكم انتم فقط
رجعته مكانه لما عرفت انه فيه شريحه موبايلي
نامت زوجة اخوه
وبدون عقل نعم اقول بدون عقل
اخذت الجوال ووضعته بشنطتي
وطوال الوقت على اعصابي وخايفه
لما وصل زوجي مع اخوه للسياره زاد خوفي وحاولت اضغط على نفسي
وددت اني ارجعه لكن هم مانزلو
قالو لنا ننزل حنا للصلاه وراحو
صلينا وانا ادعي الله في صلاتي
انه مايدري اني ماخذه الجوال
طلعنا وهم بالسياره وهنا حصل مالا تحمد عقباه
والله لاول مره اتعرض لهالموقف
تمنيت ان الارض تنشق وتبلعني
ولا اني اكون بهالموقف لا وقادم اخوه وزوجته

















قالي عطيني الشنطه
قلت شفيك ويمسك عباتي وشيئ من غطاتي
ويجرني كأني حيوان عنده
ويقولي عطيني الشنطه وياخذها
كل هذا وقدام اخوه وزوجته
وياخذ الجوال ويرمي الشنطه علي بقوه
انا منصدمه حاسه احداث متلاحقه
لم استطع من خلالها ان ابتلع ريقي
او حتى ان افكر قليلا
والله اني اكتب ويداي ترتجفان
وقلبي ينبض بكل قوته وعرقي يتصبب
هل يظن اني جدار على هيئه انسان
ولا سجّاد تنداس وتنهان
حتى لو كنت مخطئه

جلست صامته طوال الوقت مصدومه لان اتعرض لموقف كهذا انا اخطأة
نعم لكن لماذا امام اخوه وزوجته
نزلو هم علشان الاكتتاب ظلينا حنا
قال بصرخه ليه تاخذين الجوال
قلت له ليه تمسك عباتي وتجرني بهالشكل
امي وابوي قبلك ما سوها
وتجي انت عشان تسويلي كذا
من هو انت عشان تسوي كذا معي حتى لو اخطأة
ليكون مره ثانيه ترفع يدك علي
لو شنو اسوي
قال وشي تبغيني اسوي
اقولك عشان خاطري ياهند عطيني الجوال
انا كنت ناوي اعطيك كف لكن احمدي ربك
وياليتني معطيك كف على الاقل كان بردت حرتي
انا دورتك قبل لا تجون عشان مايصير قدام اخوي لكني ماحصلتك
قلت له رح تعلم كيف الازواج العدله يتعاملون مع زوجاتهم وتعلم منهم
قال لما تصيرين تتعاملين مثل الزوجات العدله عاملتك مثلهم
قلت له (( وكانت نهايه النقاش ))
المفروض انك تصلي صلاة شكر ماخذ وحده مثلي

انا ماهمني ليه شراله الجوال
لانه بيشتري ولا ماخذ رايي لكن
ليه حاطه بالسياره شنو فيه وليه ماقالي
خايف اشتر مثله ليه هو مايخاف على نفسه وخايف علي
طيب آمنا بالله انا اخطأة الي متعبني وموتني قهر ليه اتعرض
لمثل كذا وقدام اخوه وزوجته

راحو مجمع ونزلو هم انا مانزلت
الحّت علي زوجة اخوه وقالت بتكلم معك
وان شاء الله ترتاحين ما اقتنعت
قال زوجي الموقر مو راضيه تنزل
قالو له لا
جاني مو نازله قلت لا قال مو مشكله لكني بطفي السياره
قلت مو مشكله
راحو وانا ظلت ابكي حالي
واتذكر كل عيوبه ووقتها اختفت كل حسناته
جاو وركبو السياره
شرت لي زوجة اخوه غدا وما اكلته
ظليت وماكلت شيئ وما اكلمه واسكت مره وابكي مرات
الى ان وصلنا ديرتنا
نام قرير العين
نمت ميته قهر وهم
جلسنا المفروض نروح بيت اهله
قلت له مو رايحه ومالي مزاج
قال ليه ........... قلت ما ابغي احد يسألني شفيك ومافيك
قال احسن وطلع
في خاطري يكفي واحد من اخوانك
وش الحل معه وش المفروض يكون موقفي
لا تكونون ضدي وراعو مشاعري

آآآسفه للاطاله
اف الموضوع طويل لكن آآسفه اعذروني هذا ما حدث
اختكم الحزينه هند ...