السلام عليكم ورحمة الله وبركاته
أولا عايزة ابدي اعجابى بروعة هذا المنتدى الرائع الممتاز والذي استفدت منه أشياء كثيرة عن الحياة الزوجية وما فيها وأتمنى منكم المزيد (لو أنا هفضل أتكلم عن جمال المنتدى مش هابطل كلام للصبح)


ثانيا:عايزة أخد رأيكم في حاجة
أنا كتبت كتابي الأسبوع الماضي ذهبت أنا وخطيبي وعمى واهلى كلهم واهلو كلهم عند الماذون وبعد كده رجعت أنا واهلى وهو فقط على بيتنا واهلو رجعوا على بيتهم .المهم انى انا عايزة اذهب لحماتي أزورها واصل رحم لانى باعتبرها زى ماما وهى بتحبنى قوى ونفسى اذود الحب بانى اذهب لها باستمرار بالذات انها بتقعد اغلب الوت لوحدها لان خطيبي (كتب كتاب) الصبح في الشركة وأخر النهار في شغلة تانية. وبنتها في الكلية. انا حبيت اذهب لها وخطيبي مش موجود في الميعاد اللي انا هاروح فيه .قلت لماما انى أروح لها رفضت علشان عيب انى انا أروح هناك بعد كتب كتابي لوحدى طلبت منها تيجى معايا رفضت علشان حماتى يوم كتب الكتاب مرجعتش معايا .
انا اعمل ايه اسمع كلام ماما ومااروحش لحماتى .ولا اروح من وراء ماما