دلوني هذي غيرة ولا السالفة زايدة عن حدها
السلام عليكم ورحمة الله وبركاته
أنا امرأة متزوجة لي 4 سنوات وعندي طفلين . تزوجت زوجي عن حب وخذني حتى بغير رضا أهله في البداية من كثر ما يحبني وهلحين علاقتي مع أهله ممتازة جداُ . حياتي لمدة 3 سنوات الماضية في منتهى الهدوء والسعادة . كان زوجي يشتغل في مستشفى عام . حس إن الشغل كثير حيل ومتعب ويبي يرتاح إنتقل إلى مستوصف داخل حي . من هنا بدأت المشكلة . زوجي بطبعه خجول . في البداية جاني يوصف الحريم ( والله الصيدلانية تغير من دكتورة الأسنان علشان إنها حلوة وطويلة وعيونها ما دري وش فيها وزولها حلو ) سكت وعلقت بمزح وضحك على هالوصف الدقيق . بعدين جاني يقول ( والله يقولون ان دكتورة الأسنان لها علاقة بالمدير صار حديث بينهم وقامت خبطته بالملف . ( طبعا هالمدير متزوج لكن يقول إن عينه طويله وهالدكتورة هم متزوجة .. والله يعلم ) المهم شوي جاني والله إحنا هالإسبوع كل يوم نتقاطط ونجيب غدا ونتغدى بالدوام . يوم جاني اليوم هالدكتورة جابت رز ممتاز , قلت هالحين هذي وش دخلها معاكم مهي (مره) أصلا وش يدخلها قسم رجال . والله وكيلكم 24 ساعة عندهم سوالف وضحك ومصخرة وهذول مستانسين .وفي غيرهم من اللي يشتغلون لهم سوالف لكن هذي اللي بزيادة . ودال بيتها يوصفلي وينه .إن واحد منهم طريقه نفس طريقها وشافها وقاله . مرة كلمته على هالسوالف قالي : إنت المفروض ما تشكين فيني أنا مستحيل أخونك ومن هالسوالف . وقال خلاص أنا مرة ثانية ما راح أجيبلك سوالفهم . جا العيد قال أبي أعبي شوكلاته للدوام ( يبي يعبي الغالي للحريم ) واحنا الرجال أي شي مهو بمشكلة . طبعا ولعت , قلت له : وحق إيش تعبي للحريم . إنت عليك من أخوياك وكلام كثير وسكت . السالفة الأخيرة اللي خلاص خلتني ما أنام الليل ( واحد من أصحابهم في المستشفى العام يبي يتزوج واحدة معاهم في المستوصف وراسل كرت دعوة للمدير عامة وللزملاء وأنا زوجي يعرفه . المهم جت الدكتورة ووحدة معاها يقولون للمدير تخيل هذي اللي معاهم ما عزمتنا على عرسها ( لا تواخذوني على اللي بكتبه بس علشان أوريكم وش الألفاظ اللي قاعدة تدور في مكان عمل ) قالهم المدير : .....
تخيلوا معايا سوالف ومصخرة مثل كذا تدور في أماكن عمل ومصخرة وقلة أدب وهذا كله وزوجي ينقلي كل هذي السوالف بضحك وعادي .
زوجي رافض إن المرأة تشتغل في مجال إختلاط بحجة إن المرة إذا اتعودت تكلم رجال طبيعي إنها تفقد شي من حياها . ( أنا مو مأيدته في هالسالفة ) لكن الشكوى لله .وإذا هو تعود على سوالف ومصخرة مثل كذا وش بيصير ؟
أنا آسفة أنا عارفة إني طولت برسالتي لكن قولوا لي وش أسوي ؟ أنا مني بشاكة بزوجي لأني واثقة فيه لكن أنا خايفة من كثر هالشي وش ممكن يصير بعدين .
التعديل الأخير تم بواسطة Reemona ; 09-11-2005 الساعة 02:51 PM
09-11-2005, 06:31 AM
ضوابط المشاركة
العرض الشجري