جزاكم الله خيرا اخوتي ,,
اليس من حقى أن اختار أم ماذا ؟؟ انا لا اريد ان يراني واحد في بيت أهلى ,, و نروح و نسأل عنه و الكل يقول خير و يستاهل و انصدم مثل ما انصدمت لاول مرة .. كانوا يقولون زين و يصلي و خايف ربه .. و طلع ما يعرف قبله رب العالمين وين صايره ,, ما أبي واحد ايي يشوفني و يسأل شلونج و اسمج و وين تشتغلين و بعد اسبوعين أصير زوجته .. هذي تقاليد الزواج في بلادنا و الحين الناس ما يخافون ربهم و يقولون نقول انه زين و يمكن يتعدل بعد الزواج ,, و شنو أنا أصير كبش الفدا و محطة التجارب يتعدل و الا لأ !!!!!!!!!!!!!!!!!!!!!!!!!!


انا ما أبي اتزوج بهالطريقة .. و اذا مافي غيرها لا للزواج لا و الف لا ,, الزواج التقليدي ما راح أرضى فيه .. لازم اعرفه و اختبره و اشوف تفكيرة و الا تبون أكون مطلقة تربيع !!

الحمد لله الشخص اللي اعرفه لازم حدوده معاي و انا قلت له ان اللي نسويه غلط .. قال أدري و عارف و صدقيني ان كل هدفي الزواج و رب العاليمن يشهد بهالأيام الفضيلة ان ما غلطنا لا بالكلام ولا الفعل و الحمد لله و انا عارف ان الشي هذا مضايقج لان مو من طبايعج و انا حاس فيج .. لكن والله حبيتج لوجه الله و ابيج زوجتي لأن عرفت معدنج و اخلاقج و تربيتج .. و انتي عانيتي بما فيه الكفايه وتستحقين الخير كله و الله يقدرني اني اعوضج و تعيشين معاي باقي العمر بسعادة .. ))) هذا هو كلامه و احكموا ..


والله تشتت تفكيري بين أي و لأ وو بس انا احس انه يحبني و شاريني ,, ما أدري ,, و بالنسبة اذا احبه و الا لأ وو و الله العظيم ما أدري ,, والله العظيم ماني قادرة افكر اذا هذا حب و الا شنو .. من كثر الخوف ان يطلع مثل زوجي السابق و انصدم !!