السلام عليكم و رحمة الله

صراحة ما ادري شلون ابدأ مشكلتي..و اخاف اكتب الفاظ او كلمات تكون غير لائقة ..بس الله العالم ان ابغي احد يساعدني و افيد و استفيد

انا توني مخطوبة ..صار لنا ما يقارب خمسة اسابيع من ملجنا(الملكة)

و تحصل بيني و بين خطيبي مداعبات ...بس مشكلتي........إني وايد استحي...و ما ابادر باي شي..حتى لو يكون بخاطري شي ابي اسويه لزوجي..ما اتكلم و انطره دايم هو اللي يبتدي

و ياليت بس هذي المشكلة ..المشكلة الاساسية تكمن في شكل جسمي((اعذروني للتعبير)) انا عندي ترهل في الجسم و استحي اكشف جسمي جدام خطيبي لاني اخاف انه ما يعجبه او يجيه احباط...خصوصا انه دايم يقول لي لمتى بظلين تستحين مني..مو انتي حلي و حلالي....
خبروني شسوي ؟؟
و شنو بتكون ردة فعله لو شاف ان جسمي مو حلو ..خصوصا انه يحط باله على هالاشياء

للعلم((انا احبه و هو يحبني و مرتاحين مع بعض ))
؟؟!!!