انا حبيت اعرض عليكم تجربتي اللي احس انها افضل تجربة مرت علي بخصوص تقويم زوجي لصلاة الفجر
بصراحة انا عااااانيت كثير من الموضوع ياما نصحت وياما عاتبت وياما سكت بس مافيه فايده المهم جا ذاك اليوم اللي فتح فيه الله على قلبي وقلت له شوف ياابو الشباب انت بها الطريقه مو بس تتعبني انت تثبط من عزيمتي للصلاة وانا ابي تشجيع منك مو العكس وعشاااااان كذا اليوم اللي اقومك فيه للصلاة ولا تقوم اذا اصبحت الصبح بتمد يدك في جيبك وبتعطيني عشرين ريال عقاب لك ومكافأة لي على مجهودي على الاقل اذا ماشجعتني بالقومه على الاقل الفلوس تدعمني شوي طبعا مع احتساب نيه الاجر والثواب من عند الله المهم اول يوم طبعا العشرين في جيبي وثاني يوم طبعا وثالث يوم ماش كنه تحمس وقام يوم هددته اني اباخذ منه ستين مو عشرين ....والله ما تتصورون فرحتي يوم قام حسيت ان الفكره جابت نتيجة لانه من قبل له شهور ما يقوم بس كذا حس ان السالفه غير الاجر اللي بيضيع فيها فلوس كل يوم ما تقوم فيه بيتضاعف العقاب..........احس الطريقه هذي حركت الماي الراكد شوي وخلته يتحرك عشان كذا حبيت اعرضها لكم ون شا الله تستفيدون منها