السلام عليكم

قبل كل شيء احب اشكر كل من ساعدني في ازمتي و مشكلتي اللي مريت فيها منذ حوالي الشهر......وشكر خاص للاخت ام جمانه على حلولها و سؤالها عني.....

واسفه اني ما قلت لكم اخر الاخبار اول باول لاني انشغلت بدراستي....ههههههههه...اي و الله انشغلت بدراستي...تخيلوا اني رديت للدراسه بعد كل اللي صار.......

المهم...بعد ايام من اغلاق هاتفي النقال اتصل زوجي على تليفون البيت(بيت اهلي)...وكلمني بصوت خال من المشاعر...سواء مشاعر غضب...فرح...ندم.....حزن....وبصوت بارد قال لي متى تردين البيت فقلت له...انا حاليا تعبانه و امي مريضه جدا بسبب وصوا اخبار سيئه جدا عن اخي الاسير...فقال لي على راحتك و متى ما بغيتي تردين دقي على..قلت اوووووكي....

ومر ثلاث او اربعه ايام على تلك المكالمه...واتصلت فيني ام زوجي تسال عن امي فقلت لها الحمد لله احسن من الاول...وسالتني عن سبب تغير صوتي و قلت لها تعبانه شوي(وانا فعلا كنت مريضه جدا).....فقالت سلامتك والله حتى فلان (زوجي)مريض الظاهر من تغير الجو...وانهت المكالمه....بصراحه من قالت لي ان زوجي مريض تضايقت و حسيت بذنب اني تركته ....بس بيني و بينكم كنت مازلت خايفه من الرجوع لبيتي بسبب ذلك الموضوع...



وبعد عده ساعات من البحث المكثف و الدراسه المعمقه.....قررت التالي


ارجع لبيتي......



بس قبل كل هذا رحت للصالون و ضبطت اموري.....
وتعمدت صبغ شعري باللون المفضل لدى زوجي و هو لون لا يطووووووفكم......(اسود مائل الى الازرق)..من لوريال.....
يمكن تقولون اني مجنونه لكن و الله اللون عجيييييييييييييب و انا مجربته من قبل و يخلى الوجه ناااااصع البياض ........المهم



وبعد ما طلعت من الصالون مريت على محل .......... وشريت ملابس للبيت....هي ملابس للبيت ................... ....

وفي المساء حوالي الساعه 10...قلت لاخوي يوديني لبيتي....بصراحه انا كنت ابسويها مفاجئه لزوجي....
المهم....لميت اغراضي و اغراض ابني....وشديت الرحال...

ودخلت بيتي.....







ولا اخفي عليكم...كنت خايفه جدا جدا جدا..وايدي ترجف و مو قادره اضبط تصرفاتي.....
طبعا البيت الله لا يوريكم.....عفسه و فوضى و ملابس بكل صوب.....


دخلت غرفه النوم بكل هدوووووووء....ولقيت زوجي نايم...ونيمت ابني بجانبه على السرير.... لان غرفه ابني فوضى.... و رتبت غرفه النوم على قد ما اقدر من غير ازعاج .....و خرجت بكل هدووووووء

وقلت للخادمه تطلع بره تنام بغرفه الخدم...لاني ما ابيها تكون موجوده لو صحى زوجي و شن الهجوم علي...
المهم الساعه11 تقريبا تحزمت...وبديت انظف البيت



والساعه 4 الا ربع بالضبط انتهيت من كل شيء.....وانا ادري ان زوجي راح يقعد الساعه 4 و ربع لصلاة الفجر لاني شفت المنبه....رحت بسرعه تسبحت و لبست ملابسي الجديده ووضعت لمسات بسيطه على وجهي فقط لاضفاء الرونق و اللمعان و الانتعاش.....وتغرقت بعطر .... هو المفضل لدى زوجي..و الغرض من كل هذا عشان زوجي ما يشوفني و انا متبهدله بالتنظيف....وكاني كنت انظف و انا بهالاناقه......!!!!!!

وفجأه سمعت صوت المنبه يرن ....................وبدأ العد التنازلي للهجوم



وبقيت في المطبخ اراقب الشوربه.....(مسويتها لزوجي)......وانا بيني و بينكم ميته من الخوف
طلع زوجي من الغرفه و انصدم من تغير البيت و من رائحته العطرة!ّ!!وقبل كل هذا من وجود ابنه بجانبه....

المهم
دخل المطبخ





وانا احرك الشوربه...حجه عشان ما ابين رجفه ايدي!!!!!.....

وفجأه....................................ما ادري شنو اقولكم بس انصدمت و زاد خوفي .........

ونطرت........نطرت.......نطرت........انطره يتكلم......

وفجأة

.................................................. ...........
.....انا ناطرة الهجوم و اخينا يقول اشتقت لك ياعمري....فعلا صدمه....وفوق كل هذا خايفه من جدر الشوربه لا يطيح على رجولي....لاني قريبه حيل منه....ههههههه

لفيت على زوجي و بعدت ايده و قلت له بكل بروووووود...(طبعا بعد ما عرفت انه نادم على اللي سواه)..اشتقت لي؟؟؟؟ مو باين...و تركته و رحت لغرفتي....ارتب الفراش...فتوضأ و خرج للصلاه....

وصليت و انتظرته...ولما جاء كنت محضرة له الشوربه و جالسه انتظره....وقلت له شلونك الحين؟؟ قال لي الحمدلله....

وسكت...بعدين سالني ليش رديتي البيت؟؟؟و منو اللي ردك؟؟؟...فقلت رديت مع اخي فلان ولما سمعت انك مريض ما هان علي اخليك بروحك!!!!!!!!!!

وسويت نفسي مو مهتمه و لا هو هامني .....وشغلت نفسي بالتلفزيون لحد ما يخلص من الشوربه........بس كان يخزني بقوه...وفكرت انه راح يفتح الموضوع... .................................................. .................(بيني و بينكم طولت لساني لما تأكدت انه متندم)...وكان فيني ضحكه قويه بس مسكت نفسي و قلت ما ابي اعطيه وجهه....


ولما خلص وديت الصحون للمطبخ و عطيته دواءه....و حطيت راسي و نمت....نمت بلبسي بشعري و بعطري و هو ميت يبي يكلمني بس ما قدر...لانه ماله وجهه يطلب مني اي شي.....بس قال لي ودي الجاهل غرفته ينام...بس تعذرت انه راح يقعد اذا حركته من الفراش ...........



وعلى اذان الظهر استيقظت و ما لقيته.....و صارت الساعه 5 ما رد......7ما رد.............9 ما رد.......كنت ابي اتصل بس طنشت و قلت مدام هو ما اتصل احسن....وبصراحه عصبت......الساعه10 عشيت ابني و نام....(مع العلم انه كل هذا صار يوم الثلاثاء....وكان اول اسبوع بالدراسه بس انا ما داومت)....بعد ما نام ابني قعدت اتسلي البس من ملابسي الجديده و احط مكياج بسيط جدا...و اسوي شعري...و اجرب كريمات جديده ريحتها رووووووووعه...واتسلى و فجأة دخل زوجي الساعه 10 و نص...حزتها كنت واصله حدي...وغضبي عااااارم

وسلم و لا كاني اسمع...قاعده عند التلفزيون....ادهن ايدي بالكريم (بس اشغل نفسي عنه)...لاني ما ابي انفجر

وقال ليش ما تردين السلام ..؟؟ قاعده بكنيسه؟؟...وطالعته ببرووووووووود...وقلت لا قاعده ببيتي...اسلم على اللي يعجبني....واللي ما يعجبني اطنشه!!!!!!!!!!

ضحك....فقلت بغضب و بنرفزه في شيء يضحك؟؟؟ قال لا؟؟ طنشت و كملت شغلي...شافني مقفله...فحاول يلطف الجو..وقعد يعلق على ريحة الكريم و على ملابسي و انه شكلي عاجبه...واللي نرفزني اكثر انه قال لي تعالي الغرفه ابي اقول لك سالفه!!!!انا ادري شنو يبي....فقلت قبل لا اجي وين كنت من الصبح....ونبرة صوتي تغيرت اوتومايكيا....فرد علي الرد اللي فجرني...كنت عند بيت اختي فلانه...(مع العلم ان اخته فلانه هذي ما اطيق اسمع سيرتها و لا اسمها....لانها طفيليه و دايما تتحشر بيني و بينه....وتعرف كل شي عننا....ودايما تتصل عليه تاخذ منه اخر الاخبار و المستجدات....و ماكله عقله لانها كبيره بالعمر و دايما تقوله انت مثل ولدي....وهو عايش الدور و معتبرها امه الثانيه فيخر لها بكل شيء....ويقول لها كل شيء بالتفصيل الممل....حتى مرات هي تعلق على لبسي و مكياجي ...و تحرشه علي.... ومرات تقول لي كلام مثل الصخر بس ما اقدر ارد عليها لسببين الاول لانها كبيره بالعمر...يعني انا من دور بناتها و الثاني لانها هي الامر الناهي في البيت يعني لو اغلط عليها.....اروح ورا الشمس)......



المهم اول ما قال لي انه عند اخته فلانه........................

انفجرت بالكلام.......

قلت له....انت انسان ما تقدر و لا تحترم و لا كفو كل اللي اسويه عشانك.....اول شيء موضوع الخطبه و رده فعلك الغبيه....خليت اللي يسوى و اللي ما يسوى يتكلم فيني....و نفشت ريشك جدام امك و خوانك...وكلمتني بطريقه حقيره اللي كان يسمعك يقول شايفني بوضع مخل للادب....شنو سويت عشان تقلب الدنيا....و فوق كل هذا انا اللي خليتك تهدي و ما رديت عليك باي كلمه....وطنشت و رحت لاهلي بس عشان ترتاح و اخرتها تقول لي مو طايق اشوف وجهك...حبيبي و جهي يتمناه الف واحد غيرك....(هذي كلمه اي وحده تتهاوش مع زوجها.هههههه)...
وفوق كل هذا لما رحت لاهلي ما كلفت نفسك تسأل عني و لا عن حالتي خصوصا بعد الاخبار اللي و صلت عن اخوي فلان(الاسير)....وصلت اخبار عنه تصعب على الكافر و انت ولا همك...ولا كانه يصير لك ولا كانه من عايلتك... وفوق كل هذا امي تقول لي اتصلي على زوجك و ارجعي لبيتك....مسكينه ما تدري انك مو كفو الواحد يعبرك....لاني كنت اكذب عليها و اقولها انك تتصل تسال عنها و عننا......ومع كل اللي سويته فيني و مع اني مو مسويه شي غلط طنشت دراستي و ما داومت عشان خاطرك و لاني شاريتك.....و ابي رضاك فوق كل هذا فتحت المجال للكل بما فيهم اهلك يتكلمون فيني و بسمعتي....والله لو كان ابوي عايش ما كان يتجرأ اي واحد يفتح حلقه بكلمه و لا كنت انت تتجرأ تقعدني عن دراستي لانه اصلا مكتوب بعقد الزواج شرط ان اكمل دراستي....بس انا ابيها برضى منك مو غصب عنك...
و بعدما جيت البيت و قلت انك تسنعت مخليني من الصبح و جاي اخر الليل تقول لي بكل برود ابيك بسالفه....هذا اللي يهمك ..فراشك؟؟؟...قاعد طول اليوم عند اختك و جايني تفرغ شحنتك.....تقدر تقول لي شنو كنت تسوي عند اختك..؟؟ قاعد عندها طول اليوم....من زين القعده اللي عندها....!!!!!!



وبعد هذا الكلام الثقيل.....حاولت الين شوي و قلت

انا اصلا من سمعت من امك انك مريض ما فكرت دقيقه و لا ترددت...(بس قعدت ساعات احسبها في بالي ههههه)....و خليت اخوي يجيبني للبيت و لا حتى اتصلت عليك وكلفتك و تعبتك....كل هذا عشان اكون قريبه منك و ما اخليك محتاج لاحد و انت مريض.....

وعطيته من الكلام اللي يفحم.....ودوخته......بس عشان اخفف من حده تاثير كلامي


واخرتها ختمت كلامي....الله يهديك....(هههههههههههههههه بعد كل اللي قلته .....الله يهديك!!!!)


هو كل هذا ساااااااااكت ينطرني اخلص.....
وبدا هو بكلامه....................وقعد يتاسف و يعتذر و يقول انه خيب ظني و.........و.............و.............و........... ....
وانه ما توقع ان تكون رده فعلي بهالطريقه.....والله كبرتي بعيني....وحسيت فعلا انك مرة.....رديت وقلت ليش من قبل كنت بعينك رجل؟؟؟ فضحك و حضني و قال سامحيني و الله اللي سويته فيك مو شويه....وانا خليت ناس ما تسوى تتكلم و تطلع عنك اشاعات.....و................و.............و....... ........


خلاص طاح الحطب....فاستهبلت وقلت يعني شنو؟؟؟ قال يعني راضيه عني قلت .......طول عمري راضيه عنك بس المساله كانت مساله تفاهم....وكبر عقل ....ضحك وقال ليش الغلط يعني انا عقلي صغير...وجاهل.....والله مت من الضحك وبرد وجهه لما قلت له رحم الله امرء عرف قدر نفسه.........وقلبنا النكد لضحك......وهو مستانس يحسب انه بيطول شي مني (هو ما طلب بس انا سبقته بالكلام)....فقلت له ترى حدي تعبانه وابي انام....ورد بحسرة على راحتك....


وفي ثاني يوم....قعدني الصبح و قال لي قومي زهبي الاغراض و الشنط..فقلت ليش وين بنروح...فقال رفيجي اتصل على و قال في شاليه للتاجير.....وبمنطقه رووووعه و لازم نلحق بسرعه لا يرووووح علينا...وخلال اربع ساعات كنا بالشاليه....,قضيت فيه احلى عطله نهايه اسبوع بحياتي....ايام ما عشتها و انا عروووووس

والمفاجأه ان زوجي اشترى لي خاتم كان خاطري فيه من شوبارد...(كنت شاريه الساعه بس الخاتم ما قدرت اشتريه) و اكتملت فرحتي بالخاتم.....فعلا كان خاطري فيه....


وتعرفون اذا كان الزوجين بعيد عن البيت و الازعاج يطلع منهم كلام مثل العسل........
وانتهت العطله و رجعت لبيت وسمح لي زوجي باكمال دراستي.....ورجعت للجامعه

وانتهى اول اسبوع لي في الدراسه على خير..........





وشكرا للجميع

دووووووووووت

__________________