السلام عليكم ...
عندي مشكلة واتمنى انكم تساعدوني ...
انا متزوجه من أربع سنوات تقريبا وعندي ولد واحد ....بشكل عام حياتي مع زوجي سعيدة واحنا متفاهمين تقريبا على كل الامور ...
المشكلة بدأت من عام تقريبا لما بدلنا انا وزوجي اجهزة الجوال وبالصدفه اكتشفت في جواله رسايل مع وحده بنت ( أنا كنت ادري انه يكلمها بالمسنجر لانها زميلته بالجامعه العربية وهم يتبادلون الواجبات والمساعده ) ............ طبعا انا انهرت وكلمته بالموضوع ..حلف لي ألف يمين ان الموضوع مايتعدى كونه رسايل ومافيه بينهم اي كلام او اي علاقه ..حاولت اني أصدقه بس بيني وبين نفسي ماكنت قادره اصدقه ...ومن يومها تعلمت على عاده سيئة اتمنى اني اتخلص منها وهي اني افتش من ورا زوجي في كل شي بجواله, كمبيوتره ..اللي يخطر في بالكم .
وبعد كم شهر دريت عن بنت ثانيه ............. ..وواجهته وقالي انها جابت رقمه من المسنجر ونفس الشي حلف لي ألف يمين ان مابينهم اي علاقه ... حاليا علاقتنا صايرة أقل من عاديه هو مشغول بعمله وانا بالبيت ...احس ببرودة من ناحيتي ولما أقوله هالكلام يقولي انك تتوهمين ....
من مدة اكتشفت علاقته بكم من بنت بالمسنجر هو طبعا مفهمهم انا ماهو متزوج ....لكن اللي راح يجنني انه جايب ايميلات بنات من لما كنا مسافرين بالصيف , هذا وانا كنت معاه طول الوقت , اذا وش يسوي لما يسافر لوحده ؟؟؟
الله يخليكم ساعدوني ..فكروا معاي .......هل هو خاين ؟ او هو يحب يتسلى ؟
هالعلاقات الى وين ممكن توصل ؟ وكيف اقدر ارجعه لبيته بدون مايحس ؟