بسم الله الرحمن الرحيم

السلام عليكم ورحمه الله وبركاته


انا عايزة رايكم فى موضوع مهم جدا بالنسبه لى

انا عندى 26 سنه وابوى كل عريس يتقدم لى يرفضه من غير اى سبب وبعدها يبدأ يتهمنى بحاجات مش صح
يعنى مثلا انى كنت اعرف الشخص ده قبل كدا او انى كنت بخرج اقبله يعنى وانا عندى 19 سنه والعرسان بتتقدم لى و هو ما بيوافق وطبعا ابوى صعب شديد جدا

يعنى ما فى اى شخص يقدر يقف ادامه انا عندى اخ اكبر منى وهو حاليا خاطب


من سنه فاتت فى واحد قريب زوج بنت خالى اتقدم لى وابوى بعد ما قالوا انو موافق والولد راح جهز نفسه وحددنا ميعاد العرس ابوى رجع قاله ان هو ما موافق وان هو ما قالوا اى حاجه زى دى


المهم الولد ده اتخانق معانا وهو عرسه اليوم ربنا يتمم ليهو بخير


وبعدين ابوى كل شخص يتقدم لى يقوله انى مخطوبه لاولاد عمى واولاد عمى ديل اصلا انا اكبر منهم بكتير واللى اكبر منى متزوجين وعندهم اطفال




المشكله اللى عايزة حل ليها منك

ان فى واحد عايز يتقدم لى عن طريق ناس قرايبى شافنى عندهم بس المشكله انى عارفه ان ابوى ما بيوافق

مع ان الانسان ده فى مميزات كتير جدا كويسه هو مهندس اتصالات وعنده 36 سنه وماديا كويس واخلاقيا ودينيا ممتاز بشهاده الجميع


انا خايفه انو يجى وابوى يرفض على فكرة انا الوحيده فى بنات عمى اللى لسه ما اتخطبت ولا اتزوجت وكل صحباتى اتزوجوا وعندهم اولاد طبعا انا عارفه انو ده نصيب بس كل واحد بيسالنى انتى ليه ما اتزوجتى

وكمان انا اتعلقت بالشخص ده بس خايفه جدا ان ابوى يرفضه وقتها ما بقدر ادخل اعمامى ولا اخواى فى الموضوع لان ما فى حد بيقدر يقف امامه


ممكن تقولولى اعمل ؟؟؟؟؟ اذا رفض وطبعا ده شىء مفروغ منه انو ما بيوافق

اسفه انى طولت عليكم

بس انا محتاجه مساعده وشكرا ليكم مقدما