مرحبا






عساكم على القوة







البارحة اخترعت طبق مكسيكي .. بس على الطريقة البدوية (من اسمي)






وعلى فكرة اختراع صدق صدق .. مب سوالف .. والله ما عمري لا قريته ولا شفته ولا سمعت عنه في حياتي .. خرفته من راسي








المهم









المقادير:

- صدر دجاجة كامل مقطع مكعبات صغيرة جدا .. (مب تفرمونه)
- أوراق خس (مقطع شرائح صغيرة جدا _ أصغر من السلطة)
- بصل أخضر
- 2 طماطم (مكعبات صغيرة جدا)
- فلفل أخضر (حسب الرغبة)
- مايونيز
- كاتشاب
- خبز التورتيلا الجاهز (من الجمعيات)
- كمون
- موتو
- كركم
- ملح
- زبدة
- ألمنيوم للف (قصدير)




الطريقة:
1- نحمص الصدور في مقلاة واسعة ماتلصق الأكل فيها (تيفال).. لين ينشف عنها الماي.
2- نحط الزبدة .. علشان تعطيها النكهة اللذيذة.
3- نرش عليها الكركم والكمون والموتو .. ونخليها شوي .. ونطفي النار من تحتها .. ونخليها تبرد شويونة..
4- نكون مجهزين كل الخضرة اللي فوق .. ومقطعينها .. ومخلينها في طبق عميق.. (مالوش قرار)
5- نخلط الدجاج مع الخضرة ونرش عليهم الملح .. ((والله اني بموت من اليوع))
6- ناخذ خبز التورتيلا ونحطه فوق الألمنيوم .. وندهنه (الخبز مب القصدير) بالمايونيز والكاتشاب .. ونحط الخلطة العجيبة .. في النص بشكل طولي .. ونلف ومع اللف نضغط عليه بالالمنيوم ونكبس عليه من الطرفين مثل الشوكولاتة..
7- نقطع السندويتش الواحد نصين .. بالعرض ..




صار جاهز .. :14:













ممكن نقدمه مع شغلة مكسيكية .. (علشان تعطون الإيحاء إنه أكله مكسيكية)


نخلط (بالخلاطة) كزبرة (كثروا منها) + فلفل أخضر حار + طماطم .. مع الملح طبعا





ممكن إضافة مقادير ثانية .. مثل البيض .. أو البطاطا تنطبخ مع الدجاج .. أو أي شي ثاني تحبونه .. على حسب الرغبة ..!!!!!!!!!






أتمنى إنكم فهمتوا شرحي ؟؟





أبى أشوف تعليقاتكم