بعد السلام عليكم ورحمه الله وبركاته
انا انهارده بكتب ليكم مش علشان عاوزه حل لمشكله لكن انا بقول على اللى حصل لى علشان اى واحده تتعلم ومتعملش زيى علشان متنجرحش
سبق وقلت ان خطيبى كان عاوز انى اروح له بلده علشان نحتفل بعيد ميلاده وبعد ان رفضت اكثر مره وكنا خلاص قفلنا الموضوع ان مش هزوره فى بلده حتى يتم كتب الكتاب
لكن حضر لدى الكليه فى يوم بحجه ان يحتفل بعيد ميلاده لكن فى اى كافتريا قريبه من كليتى وفجأه جاء له تليفون بان يحضر ضرورى الى مكان عمله لامضاء ورق هام ولكنه اظهر انه لا يريد ان يتركنى ثم اقترح ان اتى معه وسينهى عمله سريعا ونعود مره اخرى وبعد معارضه كبيره منى اضطرت انى اوافق وبعد ان انتهى من عمله اقترح ان نحتفل به مرتان مره فى بلده ومره فى كليتى وايضا عارضت كتير ولكن حبى وقلبى اثروا على وكان تفكيرى كله انه ضع لو رفضت وذهب لشراء تورته كبيره وذهب الى كافيتريا ولكن وجدها مغلقه فقال ان نذهب الى الشركه الخاصه به ووافقت حتى لا يغضب منى ولكن عندما فتح الباب فؤجئت انها شقه خاصه به وعرفت ذلك من قبل دخولى الحمد لله حيث وجدت ملابس ملقاه على الارض فرفضت الدخول وجريت فنزل معى وجلس فى كافتريا اخرى فجلست ابكى وحاول اقناعى اننا هنقضى وقت حلو لوحدنا ولكنى رفضت وامرته بتوصيلى الى كليتى مره اخرى ولكنه اتهمنى بانى لا اثق فيه واخذها حجه بان يتركنى وهذا برساله على موبايل ان كل شيئ قسمه ونصيب . يا بنات استفيدوا حتى لا تنجرحوا فكروا بعقلكم بلاش بقلبكم واختاروا الانسان المناسب لان ده كان سوء اختيار منى
اسفه على الاطاله