هلا كيف الحال طيب يا جماعه انا متضايقه والله و اشعر كل شيء يضيق حولي شوفو و انتم احكموا و يا ريت الاقي الجواب الشافي مثلما يقولوا شوفوا اخواني و اخواتي انا مو قلتلكم انه خطيبي مو بنفس البلد الي انا فيها فا اكيد يعني يلاقي شويه مشاكل انه ما يقدر يتصل عليا يوميا يعني هو يتصل يوم و يوم لا او يومين و يوم لا و انا مقدره ها الشي المهم امس ما بعتلي رسايل طووووول اليوم و الين الساعه 9 بالليل الي هوا موعد تلفونه بعت رساله ما اقدر اكلمك عشان ما عندي رصيد بس راح توحشيني موت انا طنشت و بعتله بخصوص موضوع تاني ما اعرت تلفونه اهتمام وما قلت له طيب و كدا عشان ما يفكر انه انا اجري وراه و الين الساعه 1 الليل كنت اكلم صحبتي و اقول لها الي صار قالت انت مجنونة الرجال لازم يشعر بحب و اهتمام و ما الى ذلك فالمفروض تبعتي له ابعتي و ان ما رد راح يرد و اخلجي له الاعذار قولي يمكن ما عنده رصيد يمكن كدا يمكن مشغول قلت لها ترى راح يكشخ علي و راح يشعر اني اجرى وراه قالت ما عليك انت جربي وهو راح يبعت فا بعتله انة وحشتني اليوم ووحشني صوتك فا ما رد بعتله رساله عتاب ما رد الين الان و انا مقرره كمان انه ما ابعتله اليوم ان شاء الله عشان يشعر شويه المهم متضايقه مرة تقولون وايش السبب امكن اكيد ما عنده رصيد يبعت رسايل حتى و بلغته كمان امكن على اليومين الجايين راح اروح مع اهلي بلد مجاور لينا لمدة اسبوعين فا بس بعتلي ما عندي مانع تقدرين تروحين فا ما شعرت انه مهتم يعني مثلا يقول لي والله ليش راح توحشيني و الا مثلا لازم تطلعين رقم هناك عشان اقدر اتواصل معاك ما في الاهتمام و المشكله كمان فين انا راح اقول لكم ان طنشته يبعت رساله عتاب او انه يقول لي ايوه اليوم ما بعتيلي ليش ايش صدك عني و كدا فا انا في حيره من امري وايش اعمل والله يعني اقصد ان ما بعت يقول و يشعر انه طنشته و ان بعت ما يرد علي في كلا الحالتين مو ماشي الحال انصحوني ايش اعمل انا فكرت اكون وسط ووقت ما يقول ليش ما تبعتيلي راح اقول له ليش هو انا بس الي لازم ابعت و انت ما تقدر تفتكرني و ترسلي ايش رايك مو صح فكرة عشان يفهم شويه و يعرف انا كمان عندي احساس والله و ما اقدر استحمل وهو يطنشني كدا خصوص البنت مرة تتحسس من اي شيء و الا ايش رايكم تحياتي ليكم مرة مرة مكتئبه من البارحه