+*+* 'طريقة عمل السليق +*+*
بسم الله الرحمن الرحيم
بناءا على طلب اختنا عزة الإسلام
السليق
رز مصري
7 حبات دجاج إذا كان انتي وزوجك فقط
حليب نيدو ( لا تأخذين أنكور لأنه ثقيل )
زبده مملحه
عدد 6 حبات هيل
عدد حبتين مستكه
بصله
أعواد قرفه ( دارسين )
ملح
ماء
قدر
ألطريقه
تسلقين الدجاجة وتحطين معها الهيل والمستكه وأعواد ألقرفه والبصلة المقشرة ( الموية تكون زائده شوي لان مع السلق راح تنقص وبعدين راح توزنين الملح انتبهي هاذي اشياء مهمه )
طبعاً راح تطلع زفرت الدجاج خليكي جنبها وشيلي ونظفي أول بأول الين ماتستوي الدجاجه
خلاص استوت..... تمام قبل ما تطلعين الدجاج وفي السلق الاخير تضيفين الملح
تصفي المويه من الشوائب وبنفسه المويه تطبخين الرز وتخلينه يطبخ ويطبخ ويطبخ
طبخ الرز تضيفين الحليب المعد مسبقاً وتصبين شوي شوي وفي نفس الوقت تحركي ، حركتي زيدي حليب واقعدي حركي وحركي وحركي تعبثي
حركي حركي الين ماتحسين إن الرز تشرب الحليب ....
فيه ناس يحبو الرز ينعصد طبعاً إنا ما أحبه ينعصد ....
أهم شي تحسين إن حبة الرز تشربت الحليب وصارت مفتوحة وشبه واقفة أو حب يعني أهم شي ماتكون ناشفة
هاذي الأمور ماشيه معاكي تمام ضيفي اصباع زبده مملح في وسط القدر وغطيه أهي تذوب والرز راح يتشرب ألزبده
بخصوص الدجاج
بعد ماتسلقينه عندك خيارين لا ثالث لهم
إما انك تقليه في الزيت
أو انك تدخليه الفرن وانأ أشوف تدخيله الفرن اطعم
وبعدين تنشبين وبالصحة والعافية
على فكره لاتنسين السلطة الحارة
واسفين على التاخير اللى راح يتكرر لكوني مشغول وقد يطول
تحياتي لشخصك الكريم
ابوثنيان سابقاً
الغريب حالياً
مستكة_مستكة
__________________
التعديل الأخير تم بواسطة مستكة_مستكة ; 10-07-2008 الساعة 12:20 PM
04-04-2005, 08:15 AM
ضوابط المشاركة
العرض الشجري