جمالي سبب تعاستي ساعدوني تكفوووووون....!!!!
السلام عليكم ورحمة الله وبركاته
مدري مشكلتي لها حل أو لا المشكلة اني عارفه اني غلطانة بس ابغى اقنع نفسي ماني قادرة
كل اللي اتمناه تنفرج علي ( ادعوا لي )
بصراحة اساس مشكلتي هي جمالي فأنا عمري 23 سنه ربي معطيني الجمال (الحمدلله على كل حال) بس جمالي هو سبب حزني لأنه اعطاني الغرور فمن يوم انا صغيرة الكل يخطبني جمالي اعطاني شهرة سواء بالمدرسة والجامعه وحتى بين الناس اللي حولي والكل يتكلم عني ووين مااروح انخطب حتى في الاماكن العامة
وربي حتى لما رحت مكه آخذ عمرة انخطبت في الحرم .. فالناس اللي اخطبوني كثيييييييييييير وكلهم ارفضهم هذا الشي خلاني اشوف نفسي واي واحد احس اني خسارة عليه ... حاولت كثير اني اجبر نفسي واوافق اني اتزوج بس ماقدرت
اتذكر مره خطبني واحد مافيه عيب شهادة واخلاق والكل يمدح فيه وافقت عليه طبعا كنت غاصبه نفسي من جهة واهلي من جهة وتظاهرت اني مقتنعة فيه
بس بصراحه كنت ماني مقتنعه فيه ابدا بالعكس كنت اتمنى اموت ولا اتزوجه <<مدري ليش وصل معاي هالاحساس لها الدرجة
المهم اهلي فرحوا لأني اقتنعت اخيرا ولما قلت لصديقاتي انصدموا مره قالوا معقولة انتي اللي الكل متحمس
يبغى يعرف مين تتزوجين تآخذين هذا بالنهاية ؟؟؟<<مدري ليش مع انه من عائلة ماعليها كلام
المهم واللي تجي من بكره تقول لي اختي تقول لك نصيحة لا تتزوجه واللي تقول انا تخيلت بتأخذين واحد مشهور واللي .. واللي ..وكل وحده مصدومه من قراري للزواج بس انا عارفه اني غيرت رأيي و فسخت الخطوبه مو عشانهم عشاني ابغى بس احد يشجعني واتراجع مع اني متأكدة لو تزوجت مصير زواجي الفشل لأني كنت مستحقره اللي خاطبني من كل قلبي واشوفه تحت مستواي ...
المهم اللحين تقدم لي واحد مافيه عيب مركز اجتماعي ومادي ... وافقت مبدأيا بس تبون الصراحة عقلي يقول لي خسارة ارفضه والى متى انا ارفض .... بس قلبي العكس يقول لا لاتوافقين مدري بصراحة تعببببببببببببببببببت
احس جواي نار انا والله ودي اتزوج بس المشكلة غروري غصب عني يخليني ارفض
دعيت ربي كثير انه يعطيني القناعة والرضى وربي هم اهم شي عشان الانسان يعيش سعيد بس من وين الواحد يحصلهم .
الله يخليكم اللي يقدر يساعدني لا يبخل على بالنصائح ووشلون اقدر اقنع نفسي
هل اجبرها احسن واحط نفسي قدام الامر الواقع؟؟
التعديل الأخير تم بواسطة LittleLulu ; 20-03-2005 الساعة 05:44 PM
20-03-2005, 01:48 PM
ضوابط المشاركة
العرض الشجري