ردوا عليا قربت يجيلي اكتئاب من مشكلتي
السلام عليكم ورحمة الله
تبدأ حكايتي يا جماعة لما تعرفت عليها في مكان عملي حين جاءت للتدريب هي فتاه مهذبة جدا ورقيقة وهادئة وحتى مشرفين التدريب قالوا إنها بتخجل حتى من زميلاتها المشرفين عليها .. اعجبت بها وحين طلبت منها أن أتقدم لها جلسنا سويا في مكان عام وصارحتها بكل حاجة عني بأمانة وصدق شديدين وفي نهاية حوار التعارف قلت لها إني كنت قريت فاتحة بنت قبلها ولكن محصلش نصيب بسبب أنها كانت بنت بتكدب كتير وكذلك أهلها وكانوا ناس بتوع كلام بس ومش واضحين وملاوعين مما جعلني أشك فيها وأتركها بسبب الكذب وده فعلا حصل
ده من باب الصراحة قبل الارتباط حتى لا تسمع من حد وتكتشف ذلك وتقول لماذا لم أخبرها
وفي نفس الوقت أبلغتها إني أكره الكذب كره العمى ولابد من أن نبني حياتنا معا على الصراحة والوضوح في كل شئ
لقيتها هي كمان بتقوللي إني أنا كمان كنت بحب واحد قبل سنتين وكانت ساعتها في الثانوية ولكن أهلها عارضوها عليه ووقفوا قدامها لأنه ليس لديه عمل ولا يليق بها وطلبوا منها نسيانه نهائيا وعدم التفكير فيه وأنها لازالت صغيرة في ثانوي وده حب مراهقين وأنهت كلامها معي بأنها نسيته والموضوع ده انتهى من فترة .. سنتين أوسنه ونصف تقريبا
بصراحة أنا فوجئت بذلك بس لما سألتها هل الشخص ده مازال موجود في قلبها قالت لي .. لا والله .. الموضوع ده انتهى أنا كنت صغيرة وتفكيري تفكير مراهقين فعلا وأنا لو مش عايزاك كنت قلت لك إني رافضاك من بداية كلامك أوما كنتش قلت لك على الموضوع ده لكن أنا موافقة عليك بكل إرادتي ..
بصراحة عجبتني صراحتها واتفقنا في نهاية الكلام على إني سأطلبها من والدها .. وتم التعارف بين الأسرتين وقرينا الفاتحة
وقبل ميعاد الخطوبة كنت أوصلها بعد العمل ونتكلم وفي مرة قالتلي إنها شافت الشاب اللي كانت بتحبه قبل كده وهي ذاهبة للعمل بالتدريب صدفة وحين أراد أن يكلمها قالت له بعد كده مالكش دعوة بيا أنا خلاص اتخطبت فقال لها ربنا يوفقك وتركته ..
بصراحة تضايقت جدا من الكلام ده وهددتها بإنى لو عرفت أنها اتكلمت معه مرة تانية أنا مش هرتبط بيها أبداً .. ردت عليا بإن (هل ده ذنبي إني صريحة معاك مش احنا اتفقنا نبني حياتنا على الصراحة) ..
ولكني يا جماعة رجل وأغار وطلبت منها عدم فتح الموضوع ده مرة تانية أمامي
وطول فترة ارتباطنا وطبعها قلة الكلام والخجل الزائد زي ما قلت في البداية وكنت تملى أنا اللي ببدأ الكلام والحوار معها وأقول لها الكلام الحلو أصناف وهي ترد علىّ بكلمة (شكراً – طيب) ومثل هذا الكلام وتبرر ذلك بخجلها وعدم تعودها علىّ وإنها لما تتعود عليا هتتغير وإنها مدخرة كل الكلام الحلو بعد الزواج
في كل جلسة لا تتكلم إلا لما أنا أتكلم ويكون كلامها قلييييل .. في كل خروج لأي مكان أرجع زعلان منها لقلة كلامها
و ف مرة سألتها (هل بتحبيني بجد) .. فقالت ( لو أنا مش بحبك ما كنتش وافقت عليك من البداية أساسا )
وتمت الخطوبة وبعدها بدأنا نتكلم ونخرج سويا وفي آخر مرة في عيد الحب كنا أسعد اتنين وبدأت تظهر لي اهتمامها بس برضه مش كتير ..... أنا بس اللي بتكلم الكلام الحلو وبفتح المواضيع
ومن ساعة قراءة الفاتحة بدأت خطيبتي تستعمل أسلوب وضع الإختبارات حتى تتأكد من حبي لها وغيرتي عليها
مرة تقول قبل الخطوبة ( فستان الخطوبة فوق الركبة ) فلما أظهرت غضبي من ذلك ضحكت وقالت ( تفتكر إني فعلا أوافق على فستان زي كده ) الفستان طويل
ومرة تقول (أنا رايحة رحلة لاحدى الحدائق مع زميلاتي ) ولما أنا رفضت خوفا عليها من المعاكسات وهم من غير رجل معهم .. قعدت تسأل أنا ليه رافض وكانت متلهفة على إجابتي أوي لحد ما غيرت رأيها بعد رفض شديد من جانبي
لكنها أخبرتني بعدها أنها اتفقت مع زميلاتها على تغيير المكان .. وده حسب قولها (عشان خاطري أنا)
وبعدين أرفض برضه المكان الآخر وأساس رفضي هو الخروج من غيري أو من غير أخوها أو أهلها وفي الآخر تطلع الحقيقة إن مفيش رحلة
وحاجات تانية كتيييييييييييييييييييييييير
حسيت كده أنها بتثير غيرتي عليها وعايزة تشوف رد الفعل
وكل أما تثير غضبي من موضوع هي بتختبرني فيه ألاحظ فرحتها في عنيها وتقولي أنا كل أما أشوفك متضايق بحس بفرح
غير كده كمان هي ما بتسألش عليا في التليفون إلا نادرا لأن التليفون الخاص بهم أسفل البيت في محل تجاري خاص بأبيها وليس معها جوال ولو كلمتها بكلمها عند بنت عمها اللي ساكنه تحتها وساعتها لا تظهر فرحة في التليفون بسماع صوتي وإذا أرسلت لها مسج حلوة على جوال بنت عمها .. فين وفين لما تبعت رد .. وحتى في زيارتي ليها تفضل ساكته لغاية ما أبدأ بالكلام أنا وتقول أنا لسه متعودتش عليك
بصراحة شكيت في حبها لي بسبب التصرفات دي... بس يا جماعة أنا حاسس إن كل اللي بشوفه ده مجرد دلع أو خجل وإنها بتحبني جدا جدا
وبصراحة بلاقي ده في ضمتها ليدي إذا مسكت يدها وفي ضمتها لي أنا بين زراعيها في بعض اللحظات الخاصة ..
حتى أنا في مرة فتحت دفتر محاضراتهافي حجرة التدريب عندنا في العمل في عدم وجودها ووجدت إسمي في كذا صفحة في دفتر محاضرتها وكلمات حب تخصني وكلمات أغاني عليها إسمي و أقول لنفسي عايز إيه تاني
أسئلتي لكم يا جماعة
هل خطيبتي بتحبني فعلا أم لازال تأثير حبها السابق موجود مع إنها أقسمت لي أنها نست كل ده وكل ده كان حب مراهقة وإني أنا حبها الوحيد .. خنقني الشك من معاملتها دي
وهل اختباراتها دي ليا قصدها التأكد من حبي لها وخوفي عليها ومحبة التأكد من غيرتي عليها ؟؟
وهل سكوتها وعدم مقدرتها على الكلام معي ده خجل فعلا وأنها لم تتعود عليا بعد ؟؟؟؟؟
أفيدوني بردكم أنا أحبها جدا
وآسف جدااااااا على الإطالة .. اعذرونى .. ولا تنسوني بالردود و(النصائح الغالية) يا أصحاب الخبرة
ولكم جزيل الشكر
تم دمج ردود الموضوعين معا ..بنت الموج
التعديل الأخير تم بواسطة بنت الموج ; 03-03-2005 الساعة 01:27 PM
27-02-2005, 10:52 PM
ضوابط المشاركة
العرض الشجري