مرحبا اخت نونو عمري..

انا مب فاهم ليش الأخوان مستنكرين الوضع او الحالة ؟؟.. هذا ظرف ممكن جدا انه يحصل..و الدنيا تجارب .. مب كل حد يخطب ويملج ويتزوج بدون ظروف او مشاكل.. فيه ناس تمر بتجارب بظروف .. بكل بساطة هم عندهم رغبة في بعض ليش لا؟؟ .. ومبين ان كل شي صاير جدام اهل البنت.. والظاهر الاهل عارفين بالمكالمات..فوين الغلط.. بعدين في ناس عندهم عادي الريال يكلم البنت فترة الخطوبة قبل الملجة.. ما دام هذا الشي جدام الأهل مافي مشكلة.. حتى لو افترضنا ان الاهل ما يعرفون بموضوع المكالمات.. فكروا في الريال.. متورط أهله يبون يزوجونه بنت عمه وهو ما يريد .. رغبته في أنسانه ثانية.. اختارها لالتزامها بدينها واخلاقها .. صارح اهلها بكل هذي الامور .. ويمكن لأن تعسر عليه الوضع اضطر انه يتصل فيها ويكلمها .. وتكلموا في حدود الشرع والعقل .. واهم شي ان البنية قاعدة تضبط مشاعرها وهذا مهم جدا .. شو يعني الوحدة من بتكلم ريال على طول كلام خرابيط وحب ومجاملات.. وين المشكلة في التفاهم والوضوح والصراحة من البداية؟؟.. الكلام من عقل لين عقل مب أكثر..

أخيرا أقول انا أشوف البنية ما مسوية شي غلط .. بس أقول المكالمات لازم تكون في حدود التفاهم والضرورة فقط ولازم ما تتطور أكثر.. ثانيا موافقة اهلج مهمة جداااا وتحملي تعصين شورهم.. تراهم ادرى بمصلحتج وأدرى بالدنيا وهم اللي عندهم خبرة و تجربة في الموضوع أكثر منج.. الريال لازم يفهم ان مطلوب منه يوفر لج الامان والاستقرار وراحة البال..موافقة اهله بعد مهمة وايد .. يحاول يعدل الوضع.. احاول القى حل لمشكلته مع اهله بس مب عارفة.. اذا هم اصروا على انه يتزوج بنت عمه.. وهو مصر على اختياره شو الحل ولين متى؟؟..

الله يوفقج اختي وعندي لج سؤال .. الريال من أهلج؟؟.. وأنا حاضرة لأي مساعدة