إنا لله و إنا إليه راجعون
اللهم أجرني في مصيبتي و اخلف لي خيراً منها

قد كتبت عن زوجي و مشاكلنا كثير في هالمنتدى اللي أرتاح له من قبل حتى زواجي !
و أرتاح لتفاعل الأعضاء و حكمتهم ..

محدثتكم من الجزيرة العربية
متزوجة من ٥ سنوات
أم لبنتين
متزوجة من خارج بيئتي طبيب استشاري

كنت إلى قبل ٦ شهور رغم المصايب اللي سواها معاي من "ثالث اسبوع في الزواج"
الى أني اعشقه و أشوف فيه اب بناتي و شريك حياتي اللي بكمل معاه لآخر يوم بحياتي

مصايبه معاي:
ـ مد يده علي و ضربني ضرب مبرح ثالث اسبوع من الزواج بدافع الشك
ـ أكثر من مرة نتكلم حوار عادي هادي و ما يعجبه كلامي " يبصق علي" و هالشي بحياتي ما تخيلت يحصل معاي لأني تربيت في أسرة محترمة حتى كلام أو ألفاظ غير محترمة ما نقول أو نرفع اصواتنا على بعض !
ـ يرمي علي أشياء حادة ب وقت غضبه " كاسات قزاز ، مبخرة ، كرسي حديد حق كبار السن اللي يستخدمونه لكبار السن في الحمامات و انتوا بكرامة "
ـ غير الطرد من ثالث اسبوع من الزواج ، و استمر يطردني كثير !
ـ اذا زعل مني ، يزعل من بناتي يعاملهم كأنهم ولا شي !


إيجابياته:
ـ يحبني و انا واثقة من هالشي
ـ محافظ على صلاته ، ما يدخن ، ما عنده علاقات
ـ صديق رائع و سوالفه حلوه " كنت أكلمه يومياً "
ـ يشاورني بكل شي و يثق ب رأيي
ـ كان ينتقدني كثير بداية الزواج لكنه تغير تماماً
ـ حاول يتغير عشاني بأشياء كثيرة لكن الطبع يغلب التطبع
ـ شهم ب وقت رضاه عني و يشيلني من الأرض شيل، لكن خسيس نذل لئيم عديم الرجوله و المروءة بوقت الغضب
باختصار "يفجر في الخصومة " و قد يتعدا فجوره في الخصومة و يصل لأهلي بمعنى يشتم والديني في وجيههم و يحاول يضرني و يأذيني بكل شي و على كل المستويات

أنا عشت معاه خمس سنوات
خطبني في البداية و كنت اعرف كم راتبه بحدود ١٣ و ماكان عندنا اطفال طبعا ولا مسؤوليات
لكن كان مقتّر علي و كنت شاكة انه بخيل
لكني ما جزمت بهالشي
لاني اخاف الله و لأن صفة البخل اشوفها عظيمة ماقدر احكم عليها من موقف او موقفين
او حتى عشرة مواقف
استغرقت ٥ سنوات عشان اقدر احكم انه فعلا فعلا بخيل
بخيل على نفسه و على بناته و علي، راتبه مرتفع جداً ما عليه الا دين بسيط
ماعليه قروض كمان الا قرض بسيط
و رغم كذا عايش ب هلع و خوف من المستقبل
الراتب ينزل يحطه بالبنك كاااامل
يتصدق بشي يسييير و الباقي ما يتغيدر ولا ينصرف منه ولا ريال
مهمته في هالدنيا تجميع اكبر قدر من الفلوس في حسابه و انها ما تقل أبداً
لذلك يقطع عمره بالدراسة و يقولها لي صريحة انا ادرس عشان يزيد راتبي و فلوسي فقط
مو عشان مثلا حب في العلم او نفع للمسلمين و احتساب الاجر لا أبداً
عايش عشان الفلوس و تجميعها
حاولت حاولت اجتهدت استشرت مستشارين دعيت جربت

و استسلمت في الاخير لأني تعبت
عيشني مكسورة عيني و احس ب حرمان و هو معاه
يفتعل المشاكل لما اقوله ابغى شي
و ذكي جدا خمس سنين مافهمت انه يفتعل المشاكل عشان الفلوس :
قبل ما نطلع يسوي مشكلة على أي شي عشان ازعل و تعز علي نفسي و ارفض اطلع و هو ينبسط
ماكنت فاهمة هالدوامة
ولما فهمتها و صار يذلني عالفلوس "كعادته" و ينتظر مني ازعل و تعز علي نفسي او ابكي
صرت عادي اضحك و ابتسم و اقوله خلص كلامك عشان بنطلع بعدين !
جن جنونه حس انه صار مكشوف بالنسبة لي
طردني انا وبناتي بالليل في منطقة مانعرف فيها احد و ما معي بجيبي اللي يكفيني
و لنا ٤ شهور في بيت اهلي
و انا اعرف و متاكدة ان سبب الطرد هو الفلوس
بكره برفع عليه دعوى فسخ نكاح بإذن الله، انتظر موقع وزارة العدل يفتح
لكن احس ب حزن و تمزق داخلي على هالاسرة اللي ب تتفكك
ماكنت اتمنى الطلاق و حاولت احافظ على هالبيت و استشرت و بذلت جهود
و أدري انه يحبني
و انا احس كان لفترة طويلة طويلة حب عمري و حياتي
لكنه غدر علي و كذب علي ٥ سنين ماعرف فيها كم راتبه زاد
توقعته ١٣ و توقعت عنده قروض بحيث يصفى له ٣ الاف من كثر الفقر و الضنك اللي عيشني اياه
انا مشتتة .. مو عارفة كيف احكي مشكلتي بالترتيب

لكن انا اكتشفت كم راتبه صدفة حتى بدون جهد مني بعد ٥ سنين
و جن جنوني تذكرت كيف معيشني ماقدرت اتخطى
بعد ١٠ ايام راضاني و سامحته و اتفق معاي يعطيني مصروف
و اتفقت معاه ماعندي مشكلة يشتري لي ملابس مخفضة و اكل من ارخص الانواع
لكن لازم مقابل ولازم اشوف اشياء مادية ملموسة
قلت له ابغى اجهزة غالية ذات جودة
ومدارس لبناتي عالمية
و البس ذهب ماعاد البس اكسسوار
و تغير سيارتك
قال انا معاك

جلست معاه ٤ شهور و سويت له بالونة اختبار
طلبت منه يشتري برادة موية
راح اختار ارخص وحدة بالمعرض
قلت له ما يصلح هذي ازرارها مكسرة يعني مو ذات جودة
صار يصرخ و يقول هي راس مالها برادة و ماني شاري غيرها
"انا ماكنت اعرف انه يبغى يكسر نفسي ك عادته و يبغاني ابكي و اقول خلاص ماعاد ابغى شي"
انا قلبت الطاولة عليه و قلت خلاص جيبها حتى لو تعبانه المهم يصير عندي برادة
تفاجأ و عصب و قال لا ما بجيبها مانتي مقتنعة فيها
و جلسنا على كذا اياااااااام نتهااااوش

مش عارفة ابدأ من ايش ولا اخلص من ايش مع هالإنسان

حتى الزكاة ، فتح مؤسسة باسمي و طلع عليها مبلغ بسسسسيط زكاة و رفض يدفعها و تسبب علي بإيقاف خدمات و ضرني
و الآن اهلي طلبوا منه جوال و رضوة ١٠ الاف مبلغ بسيط مقابل طردي
و رافض رفض قطعي يقول ماني دافع شي ترجع و بس !
ولا اعتذر لي ولا لأهلي !