السلام عليكم ورحمة الله وبركاته ..
محتاجه نصحكم حالتي النفسيه صعبه اليوم ..
انا مطلقه .. وخطبني شخص قبل عده اشهر لكن اهلي رفضوه لاسباب اجتماعيه لكني اصريت عليه جدا لان المهم الدين والاخلاق وهو كان راغب فيني بشده وهالشخص جاء عن طريق الخطابه.. في نهايه المطاف وبعد تعب وجهد مني لاقناعهم وافقو اهلي عليه وصار فيه شوفه شرعيه.. ووصلنا الى مرحله الفحص الطبي وطلعت النتيجه وبعدها جلسنا نحدد موعد الملكه .. لكن بعدها انسحب هو من الخطوبه بكل بساطه لسبب تافهه بالشكل مع اني جميله! واعتقد انه شي نفسي فيه هذا اللي شعرت منه اثناء مخاطبتي له تحت علم اهلي ( لاسباب خاصه ) .. تالمت كثير جدا جدا لاني قدمت تضحيات وتنازلات عشان يتيسر امر الزواج بشكل عام .. كانت صدمه نفسيه شديده علي جدا وتأثرت لكن الحمدلله يومين ورجع وضعي ونفسيتي طبيعيه ونسيت هذا الشخص .. الان هذا الاسبوع تقدملي شخص اخر افضل منه ولله الحمد وكان كل شعوري طبيعي ومرتاحه.. وخلال هاليومين القادمين بتتم الخطوبه الرسميه بين الاهل بأذن الله .. اللي حدث ان صار لسيارته حادث بسيط امس وكلفته مبلغ من المال .. فأهتزت عنده مبلغ ترتيبات الزواج قليلا .. مع العلم ان ماراح نسوي زواج فقط عشاء في البيت .. هنا واليوم دخلت في مرحلة رعب وخوف شديد انتابني فيه انه يتركني هو الاخر بسبب الحادث '!! لاشعوري تذكرت الموقف السابق وتذكرت الالم النفسي فأصبحت الان اشعر بخوف ورعب من تركه لي هو الاخر !!! اعرف ان هذي حاله نفسيه بسبب تعرضي لموقف سابق صعب !! ساعدوني ليه انا صرت كذا وهل مثل هذا السبب الان( الحادث) ممكن يخليه يكنسل زواجنا؟ الان احادثكم وانا اشعر برعب وخوف شديد وقلق اكثر من الازم ارجوكم ساعدوني في تحليل وضعي وحالتي ..ودعواتكم لي ..مع العلم انه ارمل وعنده بنت .. وانا كذلك ولانرغب بالانجاب