مساء الخير
ما ابي اطول عليكم بس ابي منكم تفسرولي خوف ولدي
افيدوني للي مر بمثل حالة ولدي او اللي عنده تفسير لهالشي
ولدي احسه وااااااااااايد يخاف موه خوف اللي هو يخاف يظل بروحه ولا يخاف من الناس
لاااااااااا
يخاف مثلا اذا سقط شي يسوي حركه مدري كيف افسرها لكم او كيف اوصفها يعني كذا كنه منزعج من الصوت قبل لا يصدر الصوت ويركض واحيانا يبكي البارح عمتي ام رجلي فتحت الدرج تبي ترتبه نزلت الاغراض من ع الدرج وكلهم طاحو بنفس الوقت وهو جنبها وركزت عليه وايد وهو مركز عليهم مب سرحان ومنتقز لاااا مركز وشايف وما سون صوت قوي لا صوت جدا بسسسيط حسيته جد مفزووع يصيح ويركض ويده لامها جنب صدره ومنزل رقبته ومصغر عيونه ما ادري اذا فهمتو علي بس ابي اوصل لكم الحاله هل ولدي يعاني من حاله نفسيه او ايش بالضبط مع العلم ابوه مستحيل يقبل ياخذه يعرضه ع دكتور او حاجه ابي تساعدوني تكفون خايفه عليه عمره سنه وتسع شهور