مساء الخير
سبق طرحت موضوع الورث و نصحونى اعضاء انى اصارح اخوى و اعطيه نصيبه
انا اجلت الموضوع الى بعد ما ارجع من السفر ..
وصدقا كنت افكر فيه كثير و لكن ماعندى الشجاعه الكافيه انى اقول له
لاسباب كثيره و افكار براسي و رده الفعل و غيره ..
اللى صار قررت ما افاتحه ابدا و يبقى الوضع على ماهو عليه لمصلحته مصلحتى
لكن لما رحت بيتى قبل فتره ارتبه و اخذ بعض الاغراض منه عشان الدوام وكذا
من الاغراض كان فيه عقد < سلسله كنت زمااان البسها هى من ذهب امى
رحت ببيعها كدا يوم شافها صاحب المحل صدمنى جداااا عطانى فيها سعر عاالي ماتوقعته ابدا
يعنى كنت مادرى كم قيمتها ماتوقعتها كدا عندى من زمان وانا مدرى ان دا سعرها !
رحت محل ثانى اتاكد عطانى نفس السعر و اعلى شوى !! و سالنى من وين جايبتها و فين فاتورتها
وقلت انها جتنى هديه ..' المهم بعتها < وانا مو مستوعبه ان دى قيمتها
بس بعدين حسيت بتانيب ضمير و افكار انها مو لى ومو حقتى مع انها لامى
تشجعت شوى و كلمت اخوى و لمحت له عن الورث و صدمنى هو الثانى برد فعله ماتوقعته
وتهاوشنا مع انى حريصه على علاقتى معه كونه الاخ الشقيق و عاش معى كل الظروف !
وقال كلام نرفزني و يقول منتى وصية انتى علي ووو
يمكن انا مابغى مشوره قد مابغى احد يايدنى او يقول لى انى صح
وانى ما اصارحه بكل شيء بعد موقفه هذا .
اعتذر عالخربطه وان شاء الله كلامى مفهوم .

تم تعديل العنوان ليتناسب مع المضمون