متسلطه ماهو الحل لرجال الغفله


ياكثر مانشوف في الاسواق الرجال تسحبه حرمته يمين ويسار وهو ساكت ويشوفها تجادل صاحب المحل وتاخذ وتعطي معه وهو مثل البومه لاحس ولاخبر هل هذا مافيه غيره ولا ايش فهموني ولا تشوفها بعد تتسوق وتتركه جالس على الكرسي في السوق
وش ثاني بعد الحريم هالايام ماصارو يستحون تلقاه تخز صاحب المحل بعيونها وهي في كامل زينها ويذوب المسكين عندها ويكسر لها في السعر وإذا راح عقله ممكن يعطيها المحل وهو مادري هههههههههههه
السالفه تطول لكن والله العظيم اني اتأسف لحال الرجال اليوم الي مسيطرين عليهم حريمهم في كل شئ وصار مالهم دور ابدا
ياشباب وبنات المنتدى وش رايكم في تسلط المرأة على الرجل وهل هذا يسلب حقه كرجل وماهي حدودها الي ممكن ما تتعداها ويكون للرجل كرامته
مهما كان الرجال قوامون على النساء ولكن الحين صرنا نشوف العكس صارت الحرمه هي الآمره الناهيه في بيت زوجها .