السلام عليكم...عندي استشاره متزوجه من 4سنين وعندي ولد ماتقبلت زوجي شكليا من قبل ماتزوجه لكن اهلي زوجوني اياه بسبب اني كنت لحالي وامي متوفيه طبعا من صباحية الزواج وحنا في مشاكل اخبرته بكل شي اني مابيه قلت انت اسمر شايب كل الي بقلبي قلته والى يومكم هذا وحنا مشاكل كل ماشفته نفرت منه واذا قال بطلق ارفض واعتذر لاني ماعندي احد والديني الله يرحمهم ومالي خلق حريم اخواني اذا شفت رجال مثقف ووسيم اكره زوجي اكثر ادري غلطانه لكن موبيدي عايشه في الخيال واني يمكن اذا تطلقت يجيني رجل مثل ماتمنى لكن خايفه المهم اليوم صار شي ماكنت اتوقعه لي ايام ماكلمه ولاني طايقته اليوم عصبت على ولدي وسمعني اسبه واسب زوجي قال لي انتي طالق حهزي اغراضك طبعا ماناقشته ولا تكلمنا طلع ثم رجع اخذ الولد يمشيه وقال لي لاعاد اسمع صوتك ماطلعت من البيت ولا قلت لاحد نفسيتي جدا تعبانه مابي الطلاق وفي نفس الوقت عجزت اتقبله شكليا هو مو.قبيح لكن ماحبيته مادري الي فيني اكتئاب ولا ايش لاني حتى نفسي ماني متقبلتها مراهقتي عشتها وخيده ومحرومه مادري هي السبب في الي انا فيه زوجي الرجال اغلبهم يمدحونه من ناحية انه يقوم في الواجب معهم لكن انا احسهم يستضعفونه مادري ليه لو تطلقت بجلس انتظر وممكن يجيني اقل منه وهو اهله راح يوقفون معه ويزوجونه لكن انا بجلس عند حريم اخواني ادري الي سويته بداية زواجي اكبر غلط ولا راح ينساه لكن غصب عني محتاره جدا وابي المشوره لانه حتا اخواني علاقتي فيهم اقل من عاديه مافيه ترابط