اهلين حبي استنكار بالنسبة للاولاد في باص مخصص من المدرسة بيجيبهن بتبعد خمس دقايق بالباص
هني بيخلصوا عال١٢ الا ربع وعال١٢ الا خمسة بيمشي الباص وعال١٢ بيكونوا بالبيت
وعالساعة وحدة وربع بيرجع بيجي الباص بياخدهن
اجمالا هون ما في باصات للاولاد لانو بكل بلدية بتكون المدرسة حد البيوت يعني بيجوا الاولاد مشي او بالبيسكلات
بس نحن عالحدود بين البلديتين والمسافة بتصير ٢٠ دقيقة مشي للمدرسة فخصصولهن باص
مع انو حد البيت مشي شي اربع دقائق في مدرسة بس مش تابعة للبلدية النا فممنوع يدرسوا فيها
وبالنسبة للدرس اجمالا من صف الاول للرابع في بس يومين او تلاتة بالاسبوع بياخدوا تدريب شي ١٠ دقايق عالبيت بس مش اكتر واذا بالرابع ممكن توصل ل٢٠ دقيقة
يعني يقرأ قصة بالبيت او يتدرب على حل رياضيات
ما بيعطوهن كتب عالبيت
بس اوراق حل لرياضيات
مثلا تسميع عن غايب او قراءة واملاء وحفظ مواد متل تاريخ وجغرافيا وتربية ما في
بيعتمدوا عالفهم والتدريب
من صف السادس ببلش الولد يدرس ومقارنة لمنهاج الدارسة ببلادنا بيبقى قليل جدا

يعني مثلا ابني بالسادس بدو يركز على تلات مواد علوم ورياضيات وقواعد اللغة الالمانية
وهيدول العلامات الاساسية
بياخدوا لغة فرنسي انكليزي بس ما بينحسبوا بالتقييم

عندهن اغلب الوقت نشاطات
يا سباحة او رياضة تلات مرات بالاسبوع ورسم واشغال يدوية من حفر عالخشب وخياطة وغيرها
وعندهن موسيقى
وما في رسوب للصف السادس
يعني كل سنة الولد رح يطلع على صف اللي بعده
واذا كان مستواه ضعيف
في من بعد السادس بيفصلوا الولد لمراحل حسب قدراته
وبالصف ما بعد السادس ببلشوا ياخدوا دروس طبخ ويطبخوا

يعني في مواد كتير ما بدها درس
يا ريت كان ببلدي هيك والله كنت ادرس من وقت ما اجي ليخلص النهار 😓😓😓😓😓😓

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه