عضو المنتدى الفخري [ وسام العطاء الماسي ]
تاريخ التسجيل: Jul 2014
المشاركات: 2,301
تمر محشي بالبسكوت مع الصوص
تمر محشي بالبسكوت مع الصوص
.
.
.
.
تمر مع الصوص 😆
طريقه تووحفه للي يحبو التمر مثلي
وكمان للي مايحبو التمر مثل اولادي.
خليتهم من عشاق التمر وصارت كرتون وراء كرتون تخلص
.
.
ومره ارسلت لبيت اهل زوجي منه برمضان
ومن بعدها صارو يرسلو لزوجي اني اسوي لهم
.
.
ويوم جمعتنا ببيت اهلي اسآل اخواتي ؟
ايش اجيب معي وانا جايه
والجواب دائمآ معروف
تمر 😂
.
.
والله ماآبالغ لو اقول لكم قد ايش هو لذيذ
والي بتجرب على طريقتي بتقول معاها حق رائحة البخور
.
.
حتى اني فكرت اسوي منه وابيع 😂
.
.
ومن ناحية الشكل
مره مرتب وحلو وينفع ضيافه للرجال كمان
.
.
نجي للطريقه والطلبات الي مافي اسهل منها :
* تمر سكري رطب ( لازم يكون نوع التمر الي نستخدمه سكري رطب ) مايكون مره ذايب . الافضل فيه قساوه شوي
* بسكوت دايجستيف
* زبدة فول سوداني
* زبده غير مملحه
* طحينة التمر ( احلى نوع طحينية ابو النار الي عليها شعار محامص الحوالي )
* حليب نستله مكثف محلى ( الي واضح بالصوره انا حطيته بعلبه ماء صغيره عشان الحفظ )
* للزينه حسب الرغبه فستق مجروش او شرائح لوز
.
.
.
الطريقه :
ناخذ الكميه الي نحب من التمر ونطلع منه النوى
ونجيب كيس نحط فيه الكميه الي تناسبنا من البسكوت والزبده
ونقفل الكيس ونفركهم ببعض زين
ونحشي التمر ، كل ماكثرنا بسكوت جوا التمر كان احلى
ونصفهم بالصحن او بصحون بلاستك لها غطاء شفاف زي الصحن الي استخدمته
وبعدها نفتح علبة الطحينيه ونحط فوقها ملعقة زبدة فول سوداني ونحركهم
ناخذ كيس ونحط فيه طحينيه ونسوي زي الثقب صغير
عشان نحط الطحينيه فوق التمر ويطلع شكلها حلو زي الخيوط
وكمان نسوي نفس الشي بالحليب المكثف . نحطه بكيس ونسوي زي الثقب صغير
ونحط فوق التمر
ونزيها بالفستق او اللوز حسب الرغبه
.
.
جربوها مع قشطة المراعي الطازجه للتمر
.
.
ولاان اكلها باليد صعب
الافضل نستخدم الشوكه الخاصه حقت التمر الصغيره
.
.
.
وبالهنا والعافيه يارب
.
.
التعديل الأخير تم بواسطة mimomea ; 30-09-2017 الساعة 09:49 PM
السبب: تغيير اللون بطلب من صاحبة الموضوع
30-09-2017, 07:06 AM
ضوابط المشاركة
العرض الشجري