السلام عليكم

ما اعرف كيف ابتدي الموضوع لكن مثل ماهو واضح امامكم

للاسف الشديد واعرف بأن الغلطه غلطتي لكن اصبح الوضع لا يطاق
فترة الملكة ظليت فيها ١١ شهر مع تضايقي الشديد من المشكلة الاساسيه الا اني بسبب عدم الوعي الكافي في موضوع الزواج استمريت مع البنت الى ان تزوجنا ، وفكرتي المغلوطه هي ان فترة الملكة اهي زواج خلاص ووضع الطلاق فيها كأنه وضع الطلاق بعد الزواج ، وهم من ضمن افكاري ان بنتظر الى بعد الزواج ومع الي يحدث مابين الزوجين راح تتغير افكاري ومشاعري تجاهها ،

ع العموم المشكله هي ان زوجتي نحيفه وقصيره ، والكل يعرف بأن نحن كرجال نميل للمرأة الي جسمها متعافي وفيه مظاهر الانوثه الي الكل يعرفها طبعا ، تعبت نفسيا من جسمها النحيف ، وبسبب هالمشكله هاذي بدت تجيني حالة نفور ، ومافي اي مشاعر حب او اشتياق ، في فترة الملكة كانت تطلع مني كلمات حب لها وكلام معسول شوي ، لكن الحين بالحسره تطلع كلمه وحده حلوه ، والمشكله مو بس نحافة المشكة نحافة وراثية ، البنت مهما اكلت صعب يزيد وزنها ، وانا جالس على اعصابي ، الى ان زادت عندي الافكار السلبيه وصرت اشوف حياتي سودة ، واقول في نفسي هذا وانا في البدايه كذا ، كيف بعد سنوات وكيف لمن يكون في بينا اولاد ، يعني بالمره ما امتلك تجاهها مشاعر غير انها كاسره خاطري ، بس شسوي ما بيدي حيله ، والبنت توها عمرها ٢٠ اقول دايم بيني وبين نفسي لو بتركها راح يكون لها امل كبير انها تنخطب دامها في هالعمر .

الكل بيتعاطف معاها اكيد ، لكن لو تفكرون فيها ان توونا متزوجين صار لنا ثلاث اشهر بس وانا متضايق جدا فيها وما امتلك تجاهها مشاعر حب ، جلست افكر بالموضوع وشفت ان الحل اني انفصل عنها واريح راسي ، ادري انها راح تنجرح كثيير وانا متأكد بأن أهلها راح يكرهوني والمشكله الاكبر ان اهل زوجتي في بيني وبينهم قرابه ، والي مضايقني في الموضوع ان علاقتي مع اهل زوجتي ضعييييفه جدا ، يعني مثلا ما اسأل ولا اتصل وهم ولا يفكرون يتصلون علي ويسلمون او يسألون ، واعترف انا ممكن طبيعة شخصيتي غير اجتماعيه ، لكن يعني نهائيا ماحد يسأل ولا شي ، ف الصراحه الوضع كلش مو مريح بالنسبه لي ، لا مع الزوجه ولا مع اهلها بالغم من اني خااايف جدا لو اني افكر بالانفصال عنها احس بأن راح يكون صدمه لان تونا متزوجين ، ووفي سبب ممكن يمشي على الناس ان الي صار عين صابت ، لكن ما ادري كيف انا امنيتي قويه جدا اني اتزوج بنت اشوف. فيها سعادتي اشتاق لها واحبها وو يعني 💔

ولا تفكرون اني ماحاولت اني اخليها تسمن شوي ، وديتها الى مستشفى مرتين عشان تعمل تحاليل ، والغريب ان التحاليل كلها تطلع سليمه ، يعني الشي الي انا متمنيه نهائيا صعب انه يتحقق فيها ، مرات ابكي من القهر وربي واقول ليش انا نو مرتاح في هالزواجه ذي ، ليش مافي سعاده وليش مافي اشتياق ، ابغى تتخيلون تعيشون العمر كله ونتو بهالحاله هاذي ، بالله ما يوجع الشعوور ؟ 😢

اعتذر ع الاطاله لكن عطوني رايكم ابغى توجيهاتكم