ماشاءالله اخي لماذا نتزوج تحليلك للمشكله 👌 فعلا صحيح

ولانه عندي المحادثات والصور
جلست مع الاخصائيه لترى معي النساء اللي يتواصل معهم كيف اشكالهم توقعت اني اشوف جميلات سبحان الله الغالبيه اقل من عاديات وخصوصا المتزوجه وثقافه متدنيه ومظهر واسلوب اقل من عادي استغربت لكن طلبت منها نحلل عشان اذا فيه شيء ناقص عندي اسويه وتقولي بصدق و ماراح اتضايق لاني ابي احافظ على حياتي وعلى زوجي من الحرام
لكن تفاجانا انه يطلب من اغلبهم امور انا اسويها له تخيل وكانه يبيهم نسخه مشابه مني
تعجبت لكن مثل ماقلت وقالت الاخصائيه الشيطان يحلي الحرام وطبيعة زوجي يحب انه يكون معجب من مجموعه كبيره من النساء مع اني كنت اغرقه بالمدح والاهتمام سابقا لكن حاليا بدأت اشعر باحباط ،،
والاخصائيه طلبت مني انه هو اللي بحاجة لعلاج نفسي وجلسات نفسيه واسريه
وطلبت منها انها تقول كلنا بحاجه للجلسات مراعاة لمشاعر زوجي ماكان ودي ينجرح
،،وحاولت تطلب منه انه ياخذ معي جلسات لكن بشكل منفصل عني لكنه رفض رفضا قاطعا وقالها اني وافقت اكلمك بس عشان زوجتي تطلع من حالة الحزن وابيها ترجع مثل اول
كنت اتمنى زوجي يكون اكثر تفهما وانه ناخذ الجلسات سوى ماعندي مانع لكنه للاسف رفض

،،وقرأت ردك لي عدة مرات اريد تطبيق كلامك الله يجزاك خير
وعندي استفسار عن الصفعات اللي تقصدها هل قصدك هالفتره اعطيه صفعات خفيفه

والله يكتب اجرك بكل حرف تكتبه يارب