السلام عليكم
تو شفت فيديو عن قاضي اجنبي رحم امراه كانت ضروفها جدا صعبه
عليها مخالفات مروريه ومرت بعام صعب فقدت فيها ولدها والمخالفات كانت باسباب انها تراجع بعد قطع راتبها ومره انطردت من شقتها وهي مفلسه وماعندها تدفع ال400 دولار
فرحمها القاضي ونزلها ل50 وسالها عندك فلوس اذا اخذنا هالمبلغ قالت 5 دولار
قال لها مايرضينها تطلعي بخمسه دولار
اعجبت برحمه القاضي لكن هذا ذكرني
بموضوع الطلبه والدرجات
والعداله و التساوي وبنفس الوقت تكون رحوم وانساني
معظله مايواجها الا معلم عنده الحريه بوضع اي درجه ومااحد يحاسبه الا رب العالمين
لما كنت بالمدارس عمري ماكان هالموضوع مشكله لاننا مقيدين جدا بلوائح الوازراه والف شخص يراجع وراك
لكن بالجامعه الامر مختلف
وهالشيء يعرفونه الطلاب
ويجونك يتسولون الدرجات
وخنا نحتاج وحنا بنفصل وحنا علينا انذار و احنا بننطرد من الجامعه
ولازم تعطينا الدرجه الفلانيه عشان يتحسن وضعنا
فاقول لهم الدرجه بناء على ماتستحقون وليس ماتحتاجون
وانا اعرف نفسي غير قاسيه ابدا لا بوضع الامتحانات
ولا باخذ الحضور والغياب
وعندي بونصات يستفيدون منها
احس سهل وطبيعي اي طالب ياخذ عندي درجه كويسه
اهم شي يلتزم ويذاكر بالمعقول ويقدم كل الطلبات بالوقت
وبالنهايه كلهم ارفعهم بمقدار الدرجه كلهم سواء الشاطر او الكيلان
الكل ياخذ فوق درجه النهائيه درجه
واعلمهم بذلك انهم اخذو فوق مايستحقون مع هذا لايزالوا يطالبون بالامثر ويطمعون
طبعا هذا مايهمني هم طلبه ويبغوا درجات باي وسيله
والحمدلله باب الواسطه مصكرته لان اي احد يكلمني اقول ايوه اصلا انا رافعتهم
وانا صدق رافعتهم كلهم
مايمشي عندي طالب يجيب واسطه ويرتفع بدا عن غيره ابدا
اذا فيه بونص للكل واذا فيه رفع للكل والحمدلله مريحه صميري وراسي
المشكله وين
بطالبه جتني العام خلتني افكر
طبعا نزلت الدرجات وكلهم رفعتهم مرتين بالبونص و رفع نهائي بالدرجه
يعني ساعدت كل الشعبه سواسيه
بعدها جتني طالبه وقال بشرح ضروفي رفضت قلت لها كلنا عندنا ظروف من الي مايمر عليه ضرف
انا ساعدتكم بلي اقدر عليه الباقي جهدكم
وهذا قضاء وقدر والحمدلله على كل حال
كانت محتاجه درجه مرتفعه عشان هذي اخر فرصه لها بالجامعه
اذا ماعطيتها الدرجه بتنطرد
راحت لزميله لي تدرسها وقالت ظروفها
ان زوجها مدمن ويضربها ويطردها من البيت
ضروفها صعبه وعيالها صغار وهي تبغى تتخرج وتتوظف وتصرف عليهم
لان زوجها مايصرف
زميلتي قررت تعطيها الدرجه الكامله مع ان البنت غايبه نص المحاضرات ويادوبك درجتها جيد وبتطلعها لامتياز لظروفها وطلبت مني اعمل نفس الشي عشان ماتنطرد
رجعت البيت وفكرت واحترت واستخرت
موقف صعب جدا جدا جدا
وفكرت ببقيه بناتي الي مافتحت لهم المجال لشرح ظروفهم
والي يستحوا مايتكلموا
شلون اعطي وحده درجه ماتستحقها
واساويها بطالبات فائقات جابوا كامل بكل شي
اذا كنا بنحط الدرجات على حاجات وظروف الطلاب ليه نختبرهم ونقيمهم ونتعب بدلك
من اولتها نعطي التقدير للطالب الاكثر احتياجا
ماقدرت احط الدرجه لاني بالاساس رافعتها من حيذ الى جيدجدا نفس مارفعت القاعه كلها
ماقدرت ارفعها هي زياده حسيت بظلم البقيه
ومااقدر ارفعها هي وباقي الطلبه رفع ثاني واوصلها معاهم بامتياز
لان درجاتهم كويسه وهي بعد كويسه لكنها محتاجه تقدير معين عشان ماتنطرد
خليت درجتها ماغيرتها
هل ظلمتها
لو كنتو بنفس الموقف وش تسوو