السلام عليكم
اسال الله ان يبلغكم بالعشر
وشكرا لردودكم بكل مواضيعي ماتتصوروا كيف استفيد منكم
اغنيتوتي اشكو لفلانه و علانه
بعد الله صرت الجا لكم وجزاكم كل خير
الحمدلله استفدت جدا من مواضيعي الي طرحتها بخصوص الصداقه
كنت فاقده التوازن خاصه بعد العوده من الغربه والحمدلله بفضل الله ثم من مساعدتكم استعدت هالتوازن واعيش انقى فترات الصداقه او العلاقات لان
موضوعي باختصار انا انسانه مااحب التعقيد
طالباتي لما يجو يشتكو ويحطوا عقده بالمنشار او يكثرو اعذار وحكي بس عشان يغيبو او يتملصوا من الواجب تلقائيا تلقيني اصدع منهم ومن داخل ودي اقول لهم حلو عني
لدرجه اني عطيتهم مجال يغيبو يومين بدون عذر بس عشان اخلص من عوار الراس ولا خلصت
الله يعين
في ناس عندها طوله بال علي المشاكل وتعقيد الامور وتكبير الامور انا مو كذا
للاسف اهلي كذا
يسوو من الحبه قبه وبامور بسيطه
مثلا من يوم خربت شغله بالبيت سخان المويه تبع حمامي
رحت قلت لبابا قال طيب وماقصر اتصل بعامل وجابه بعد يمكن يومين
بهاليومين كان المويه ثلج لان اهلي مركبين تبريد وانا صعب استحم بمويه متلجه
المهم نزلت بعدها افطر لقيت بابا يقول لماما السخان شطبنا عليه وماراح نصلحه الا بالشتويه
تخيلو وبقعد الصيفيه اخذ حمامي خطافي
وطبعا الحل التبريد يتصكر بساعات معينه وهالحل فاشل لان مالي اوقات معينه للاستحمام وماراح اصعد للسطح يوميا اصكر التبريد باوقات معينه واصلا التبريد يستمر اثره لاوقات طويله
لو اسكره لازم انطر ساعات ترجع المويه لطبيعتها
وبعدين اخوي يعاني من المويه البارده ويحبها والمويه عنده سخنه لاسباب مااعرفها يمكن موقع حمامه تحت الشمس فالمويه تنزل عنده تغلي مدري
لكن يتضرر اذا قفلت التبريد
شرحت لكم هذا كله اعطيكم مثال على التعقيد بالامور
ماما تقول رمضان وداخلين على عشر وش عامل يشيل ويحط
عنده عقده من دخول العامل بالبيت وانه بشيل السخان وبيحط جديد
مسااله سهله لكن هما يكبروها ويعقدوها بزياده وبرمضان عندهم محد يتحرك ولا يروح
مع ان عادي شهر عباده ماتتعطل فيه امور حياتنا
الي صار مااقتنعوا كلمت اختي ابكي انقهرت كل شي يتعقد وكل شي يكبرونه
مكيفي حار وبغيره والحين شلت هم دخله العامل وبيكبرو المساله
اختي وعدتني تجيب عامل طرفهم وتصلح الوضع
لاني هددتهم بكسر التبريد فرضخوا لتهديدي
طيب الموضوع سخيف عارفه
لكن قيسوا عليها كل امور الحياه
الحمدلله اخرج واموري بره ميسره يارب لك الحمد لكن موضوع يتدخل فيه اهلي
يعقدوه ودايم كلمتهم لاعوري راسنا ماله داعي بعدين بعدين استني
زي موضوع الغرفه الي طرحته
على فكره اخويا ماطلع من الغرفه مع انه وعدني قالي بعد رمضان وانا متاكده مابيطلع
وبابا يقول بنشتري بيت قلت بقلبي اذا سخان عقدتوا السالفه كيف عاد شراء بيت
والحل هل نستطيع نغير اهلنا
خاصه بامور داخل البيت مااقدر اجيب عامل من وراهم ولا اغير ولا اشيل الا برضاهم
هل كل مره بكلم اختي واهدد واسوي افام واتمرد
صرت اشوف نفسي بنت عاقه
تخيلوا من ست شهور وماما تفكر تزور اهلها الي بينا وبينهم ساعه طيران بس
تخطيط وتاجيل وفلان بيودينا ،اخواني مواعيدهم وابوك من يقعد عنده وهالسوالف
،المشكله كنت بروح معها واجالت امور كثيره بالعمل وبالنهايه اخويا وابوي ا سحبوا علينا وسافرو نمع انه عادي اسافر مع ماما وحدنا رحله داخليه هي بس تعقيد الامور وتكبيرها ما يخليها تقدم
والحين تقول بالعيد وانا مو مصدقه لان الامور هذي يخطط لها لازم شهور وبالتردد وغيره ماتصير
والحمدلله خططي للسفر مختلفه عنهم
اغبط اقاربنا بلحظه يخططوا يسافرو ويروحوا يجددوا بيوتهم حفلات ومناسبات وروحات وجيات ما يشيلوا هم ويبالغوا
ما وبابا لو يحصل لهم حطوني بصندوق وقفلوا عليا
وقفولوا عل يانفسهم ايضا
خلو موضوع السفر الحمدلله مااعتمد عليهم
لكن موضوع العمال وغيره وسالفه بعدين بعدين ومو لازم
هل لازم اصير قويه مواجه ومتصادمه دائما عشان تمشي الامور
تعبت وبديت احس نفسي عاقه