كمان سؤال اخي الكريم عم تقول انو زوجتك وافقت انك تجيب اولادك بعد سنة
هل وافقت يسكنوا عندك او ببيت مستقل
واذا ببيت مستقل كيف رح تتركهن لوحدهن وبعمر صغير
وهل وافقت انك تطبخلهن وتخدمهن او كمان رح يصير في مشاكل بسبب هالشي
وهون بدك تنتبه اذا بدك تبعدهن عن امهن وتجيبهن لعندك وبنفس الوقت ببيت مستقل ويحسوا بانهم مش مرغوبين او مغصوب عليك على تمضية الوقت معهن تفاديا للمشاكل مع زوجتك
فحرام تيتم اولادك ببعدهن عن امهن وهيي على قيد الحياة الله يطول بعمرها
وتيتمهن من أب رح يسرق لحظات من وقته ليشوفهن كرمال يتجنب المشاكل مع زوجته
حط النقاط عالحروف مع زوجتك قبل ما تقدم على أي قرار
وكمان انك رح تحب الاولاد منها بنفس مقدار حبك لاولادك من زوجتك الاولى وما في تفرقة بيناتهن
وخليك واضح وصريح مش مجرد كلام تخدير لبعض الوقت وبيزول بعد فترة
لانو مشكلتك ما عادت مشكلة الماضي والغيرة منه
بل من اولادك يعني اشخاص بعمر البراءة وبعدهن بمرحلة الطفولة وبمرحلة عم تتكون شخصياتهن
فحرام نسرق منهن أجمل فترة بحياتهن لذنب ما خصهن فيه

وبعتذر ان كانت ردودي قاسية بس صدقني قلبي اتقطع على اولادك ربي يحميهن وانا ما بعرفهن
وبالفعل اللي بتحب الزوج بصدق مستعدة تحب اولاده تلقائيا او ان كان بس بسبب خاطره ولو ما عندها قدرة على تحمل مسؤوليتهن ورافضة هالشي ومن حقها


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه