السلام عليكم
فضفضه واتمنى ان اجد عندكم الارشاد

من زمان يمكن مره كتبت اني متضايقه مره من الغرفه الي انا فيها
لا اقدر اكتب فيها ولا انام كويس ولا اخزن ولا اقرى ....
معظم وقتي حاليا خارج البيت او بمكتب العمل
بتقولون وش المشكله غيري الغرفه
بيت اهلي صغير ...وكل ماجيت اغير بالغرفه قالوا استني الى ان نبيع ونفرد لك مكان اوسع
وهالكلام من سنين ابتعثت ورجعت وتزوجت وتطلقت وهالكلام هو نفس الكلام
تزوج اخي وطلع قلت فرصه اخذ غرفته اتوسع
وخاصه بعد الغربه رجعت باغراض كثيره من شقتي
وكلها تجمعت بهالغرفه
بلامبالغه عندي شنط مسكره مخزنتها بغرفتي
متصورين المنظر
تصحى الصبح على كراتين وكراكيب
لاشي القاه ولا غرفه تفتح النفس ولا مكان انتج فيه
كتبي بزاويه وملابسي وممياجي تعبت نفسيا
صارحت امي وابوي باخذ غرفه اخوي قامت قيامتهم
وزعلوا زعل جامد مافهمته
ووصفوني بقله الادب وقله الاخلاق وعيني على غرفه هالمسكين
الي يجي ينام عندهم كل ويك اند
اخويا زوجته بمنطقه ثانيه تدرس فهو يقضي وقت طويل عندنا
مع ان شقته ماشاءالله كامله مكمله لكن معظم اغراضه لسه سايبها عندنا
طيب ابنو دور فوق قالوا البيت اساسه مايتحمل
الي صبرك هالسنين كلها يصبرك كذا سنه ليمن يفرجها ربنا ويشتري بيت
وطبعا محاضره طويله احمدي ربك وشوفي اللاجئين
وانتي ماتستحي ومن هالكلام الي سد نفسي
الي طلعت منه ان الاولاد بعايلتنا لهم الاولويه بكل شي
مصلحتهم فوق كل اعتبار
الكل مرتاح ببيته وشقته والله يوسع عليهم اكثر
انا الي متضايقه حاسه اني نايمه بمخزن والغرفه لا اطلاله ومختوقه فيها مره
مضغوطه بالعمل ومضغوطه بموضوع الغرفه
مو معقوله بقعد عمري برى
اقعد بالساعات بالنادي و المكتبه والعمل
وهذا شي طبقته مؤخرا رد فعل على موضوع الغرفه
شايله على امي وابوي كثير من هالموضوع
ماراعوا اني بنت ولي احتياجاتي
طول عمرهم حاطين اخواني فوق كل شي ومطلوب مني اصبر واجامل واجي على نفسي
واذا تكلمت صرت جاحده
هل انا مبالغه بموضوع الغرفه
فكرت اشتري بيت من حسابي بس اذا على المبلغ الي باستطاعتي
بعد قروض بيكون بيت صغير واهلي رفضوا لانهم يبغوا بيت كبير يجي اخويه المتزوج معانا
استغفر الله اهلي عاملين زي صاحبه القطه
الي حبستها ولا اطعمتها ولا خلتها تشوف رزقها
بس من جد رده فعلهم كانت عنيفه جدا
حسيت اني عامله مصيبه او طالبه منهم اتزوح واحد مو من مستواهم
يعني طالما انتي صابره على البهذله انتي احسن وحده بالعالم
اذا تكلمتي صرتي جاحده وعاقه
علاقتنا بسبب هالموضوع السخيف متوتره
ماما تتجنبني
وبابا كانه زعلان
وانا مهمومه ومغموته
صعب تحس انك وحيد بهالعالم
الله يفرجها
السؤال هل ارسل لاخوي على موضوع الغرفه اني محتاجتها
عنده شقه كويسه مشكلته على كلام ماما ان غرفه الملابس عنده استولت عليها زوجته عقشها كثير مره
وانه مسكين وين يخط كتبه واغراضه وحاجاته
هل اسكت واموت قهر
وش الحل بوجهه نظركم