اول شي بالنسبة لموضوع اخوانه .. نشافتهم خربانه من زماان بس كانوا ينشفون عند مرت اخوه وراحت لاهلها من شهر واتجهوا علي وانا كنت احسب توها خربانه انصدمت ان لها شهور !!
بالنسبة للشغاله .. رااافض اني احط مع ان قلت له لو تجي بالساعات قال لا قلت انا ادفع حقها قال لا ..
و فكره حلوه ان كل ما جو يغسلون اخليهم ينزلون زباله .. لازم يخدموني مو بس انا اخدمهم ..

بالنسبه لموضوع الانتحار هذي مسئله خالصين منهاا لان صحيح اموت وما اعيش بدونها بس راح اموت بهمي يا اما من الضغط او من حزني او شي كذا .. بس اني انتحر مقدر لان انا حبوب ادويتي بالغصب ابلعهم ماحب العلاجات والله خاصة المضادات لان حجمهم كبيررر و زوجي دايم يجبرني اخذ ادويتي بوقتها ويحط منبه بجواله ويجي يشيك ع الحبوب اذا شاف حبة اليوم مانقصت يسويلي سالفه .. المهم انا فيني طبع من قبل اتزوج مدري هو موضوع نفسي او عادي بس انا اذا وصلت لقممممة الزعل يعني مو أي سبب لا . سبب قوووي احب اسكت و اشغل نفسي بشي يا اما تقطيع اوراق بشكل صغير يا اما رسم يا اما ترتيب ملابس يا اما اطلع حبوب اشكال و الوان افرغهم والعب فيهم يعني ارسم فيهم ههههه مو يجي الوان و احجام اجلس اتفنن .. وهو اول مره استخدم معه هالاسلوب وجاااا طاير ولما جا خربت الترتيب ولميتهم وتركت بس الغلاف والكراتين وكذا عشان مايقول ماخذ مجنونه تلعب كذا .. المهمم لما جا طاير و شافني مطلعه اكثر شي مضادات تأكد 100% اني اكذب عليه لان قلتلكم عارفني ما اخذتهم لمصلحتي بسبب حجمهم ... و رمى علي حبوب لان شاف العلب فاضيه وجلس يمزح ويقول غريبه الماي ماخلص لسا .. خذي هذا اقوى عشان تموتين وافتك منك .. يبي اتكلم او اضحك يعني حاب يلطف الجو قبل يداوم ولما شافني ساكته ومافي ردة فعل قال بروح للدوام ان طلعتي من هالباب انتي طالق ..

انا احب بنتي و ادري كل ام تحب بنتها بس انا متعلقه فيها من لما كانت نتفه ببطني اعد الايام للولادة و بالحمل تعبت تعب مو طبيعي وعانيت كثيرررر و ولادتي كانت صعبه جددددا شفت الموت وحتى هي اختنقت ونقص اكسجينها وانا نفس الشي .. وبعدها بدت التربيه والسهر وكل يوم اتعلق فيها اكثر وهي ياقلبي كل مانروح مكان ويلاعبونها من تسمع صوتي تلتفتت تدورني .. ومرات يضحكونها ماتضحك من اضحكها انا تضحك . و اذا راحت مكان وانا مو معها تجلس دقيقتين هاديه بعدها تصيح .. الكل عندها يلبس عباية ويروح عادي الا انا من البس عباتي واطلع من الصاله تصيححح الا ارجع لها .. مرات ابوها يحاول ينومها وماتبي تقعد تتحرك وتبعده عنها مع ان فيها نوووم حيل وتبكي اجي انا اخذها احطها بحضني نفس حركة ابوها وتسكت وتنام والله خلال ثواني ع طووول تغمض اقوله نامت يطل يشوف يقول اي والله طيب نفسسس الحركه اللي سويتهااا لها وش الفرق !! وامزح معه اقوله تحس بالحنان عندي .. المهم مواقف كثيرررره بس حبيت اتكلم عن بعضها ..
بالله كيف اتركها واروح ؟؟ انا ادري انها راح ترجع لي مهما راحت بس ابي اوريه ان بنتي خط احمر واللي يحاول يفرقنا اصير له مجنونه .. و اذا عاد هالاسلوب مره ثانيه راح اكون اقوى واخليها و امشي .. واذا شفت بيننا مشاكل اكثر راح اخذها و اهرب فيها واعيش بس انا وهي .. من الضغوط بعد اللي فيني ان هالشهر ماطلعني مشوار وانا سكتت لان اختبارات ومدري ايش و خواتي طلعوا مع بعض كذا مره ويعزموني معهم واستئذن منه يقول لا مافي روحه .. يعني طقت روحي والله فوق الحبس شغل وكرف وانا يالله متحمله شغلي يطون هذولاك اغسل لهم لييششش ... طيب النشافه خربانه ليش مايغسلون تحت وانا انشف بسسسس .. والمشكله مره غسلت لواحد فيهم وجا زوجي فوق وقال يمدحون غسيلك وكان حيل مبسوووط < يحب اهله يمدحوني > المهم انا ماكنت اعرف ليه مدحوه يعني غسلت عادي .. ثاني يوم جا اخوه يبي اغسل له ومن ضمن كلامه قال فانيلة فلااان كانت وصصصصخه وماتنظف مهما غسلوها و عندك جت تلمع وبيضا وكنها جديده .. وقتها قلت بقلبي والله البلشه طيب صدفه طيب يمكن صابوني احلى طيب يمكن خواتك مايعرفون ..

وفعلا الحمدلله حتى زوجي اول زواجي كان فيه صدأ ع كم احسن ثيابه وقاللي شوفي هالثوب احبه بس مقدر البسه قلت ليش قال جاه صدأ هنا و عيا يطلع وخواتي ياكثر غسلوه مانفع شكلي بكره اخذه للمغسله اذا مانسيت .. ولما نام اخذت الثوب وغسلته ونظفته وكويته ولما جينا بنطلع مشوار قلت البس هذا قال اي ذكرتيني عشان اخذه ولما طلعه وشاف وانه نظيف و مافيه أثر للصدأ و الكوي كأنه عند كواي .. منها فرررررح واستغرب كثيرر ان قدرت وخواته ماقدروا .. ومن يومها صار يغسل ويكوي عندي هههههههه انا جبت البلا لنفسي لو ساكته ومخليته يوديه احسن بس تحمست لما قال خواتي ماقدروا حبيت اوريه السنع ليتني سكت يومها

__________________
تم تغيير النك .. < ريتاج2016 سابقا