السلام عليكم ورحمة الله وبركاته ..

حصلي موقف قبل اسبوع تقريبا .. والى الان متضايقه من نفسي وتصرفي.
قبل اسبوع كان فرح اختي ربي يوفقها بحياتها ..
قبل الفرح بيوم .. قلت لزوجي لازم اروح للصالون ( اعمل اعمل حواجبي موس وصبغه ) قالي اوك ..
وكان الوقت بالنسبه ليا ضيق لان كانو الاولاد عندي وخليتهم مع زوجي ورحت للصالون وكانو ينتظروني بالسياره .. وولدي يجلس على اعصابو وين مام وين ماما ..
المهم انا قلت بعجل وماراح اطول بالكثير ساعه ان شاء الله ..

كلمت الاستقبال وقلتلهم بعمل موس وصبغه للحواجب قلتلها موجود عندكم قالت ايوا . وقلت اوك وقطعت الفاتوره .. وكان الصالون زحممممممممممممه وحقت الاستقبال متنرفزه ومكششششره ( مع انو رحتلهم كم مرا وكان فاضي وهي برضو مكشره ماعرف ليه ) ..
رحت للاخت الي بتعملي وقالتلي مداام مافي موووووس انا تنرفزت قلتلها كيف تقولو فيه ؟ وبعد مااقطع الفاتوره تقولو مافي .. قالت اعملك تشقير وصبغه قلتلها طيب وفرق السعر ترجعولي هو ؟ قالت لا .. قلتلها الغلط منكم خلاص ي تعملولي الي طلبتو ي ترجعولي فلوسي ..
وحاولت هي وحقت الاستقبال يقنعوني اعمل فتله قلتلهم انا ما انمص معليش انتو الي قلتو من البدايه ايوا في ..

ومع الحوسه والرجه الي عند الاستقبال .. كامت لفت بوزها اكثثثر وقالتلي لحظه ودخلت مكتبها وانا دخلت وراها ولقيتها بتطلع الموس الخاص فيها من شنطتها وقالت للفلبينيه خدي سويلها ..
انا انفجعت كيف تعطيني مستعمل وحقها كمان ..
المفروض ردة فعلي تكون اكبر واقوم واقلب الكان عليها فوق تحت لان هدي قلة ادب واستهتار بالزبائن ..
لكن وقتها جاني ضعف ماعرف ليه وقلتلها يلا بس خلصيلي وخليني امشي وبنفس الوقت كنت مستعجله عشان ولدي عند زوجي ..
وخلصت وخرجت من المكان وانا حاسه بقههر من نفسي اقول ليه سكت لها ؟؟
لو كان فيها مرض لا قدر الله كان ممكن ينتقل فيا ؟ ليش انا ضعيفه لهدي الدرجه وليه ما اخدت حقي وفضحتهم وعملتلهم رجه بالمكان ؟؟؟؟؟

احس تضايقت من شخصيتي مرررررررررررررا .. وامس حكيت زوجي وقالي نفس الكلام انتي ضعف شخصيتك حتوديكي بمصيبه والمفروض ماتسكتيلها وخليكي زي اختي وقت الغلط ماتسكت وتاخد حقها ووو ..
قلتلو انا لوحدي ما اقدر ارفع صوتي واخاصم ووو قالي ماعندك ثقققه بنفسك ..

وزادني ضيقه قلت لازم اتغير وقت لاغلط لازم ما اسكت .. مع اني فيا عاده لما اكون مع احد اختي صديقتي زوجي او اي احد معايا ويجي احد يغلط عليا لا مااسكت اخذ حقي ..
بس لما اكون لوحدي ما اقدر اعمل شي
ليييييييييييييييش ؟؟ كيف اغير دي الصفه البااااااااااااايخه

__________________
لاتسعى لتصحيح ظن احد بك ££ خالقك ينظر لقلبك وهذا يكفيك