انا متأده 100% ان حل المشكله من جذورها بيد ماما ..
لكن لو حاولت بطريقه اكلم زوجي ممكن تنحل الامور 50% بعدين ماما تلاحظ انه مايبغى يتدخل وخلاص تبطل ..

والله ي العقل نعمه لو كنت متأكده لو 1% انها ممكن تسمعني كان كلمتها
اعرف شخصيتها واسلوبها وكلامها ربي يهديها .. والله راح انجرح كثير ..
مو حابه اجلس اتكلم عن ماما كشخصيه عشان لا يجي احد الاعضاء ويقول فلانه تتكلم بكلام مو كويس عن امها ويجلسوو يحللو غلط ..

بس والله كلامي ماحيجيب نتيجه بالعكس ممكن تغضب عليا .. لانها غضبت مني انا واختي لما دخلنا خوالي بالمشكله وجلست فترة ماتكلمنا ( كانت ايام صعبه اقول يارب ما اموت وهي غضبانه عليا .. يارب اني قلت لخوالي وزعلتها يعتبر عقوق او لا ؟ ) ما ابغى اوصل لهذه المرحله معاها الان واتعذب نفسيا بين العقوق والحرام ..

ممكن عشان تفهمي عن شخصيتها من ذكر موقف حصل ( الاسبوع الماضي في الويك اند بالتحديد كانو بزورتنا عندنا ولدي وولد زوجي .. واحنا في اليومين هدي نخليها كلللللللللها لهم ونعوضهم حق الايام الي مايجلسو فيها عندنا ) .. المهم ماما رسلتلي قالت ايش رايك نروح كافي انا وانت وزوجك قلتلها الاولاد عندي خليها بيوم ثاني لما يروحو بيوتهم
قالتلي طيب رجعوهم بيوتهم وخلونا نخرج نغير جو ..
قلتلها لا ما اقدر ماشبعنا منهم بصراحه بس ان شاء الله يوم ثاني نخرج مع بعض ..
وقفلت جوالي ورحت اكمل شغلي وشويه لقيتها راسله : سبحان الله طول الاسبوع قسوووه والان في الويك اند تنزل الحنيه انا تفاجئت وعلى طول حذفتها عشان لا يشوفها زوجي لكن للاسف جا وقالي ترا شفت كدا وكدا ..

بس والله مو قسوه بس الظروف اجبرتني انو ولدي مايعيش عندي وفي بيتي .. جرحتني الكلمه كثير وبكيت وخلتني اجلس افكر .. هل انا قاسيه مع ولدي ؟ عشان مو عايش عندي اعتبر ام قاسيه ؟؟

ف هي ردودها الله يهديها كدا في المواضيع العاديه فما بالك بموضوع اني ناصحها بانها ماتدخل زوجي

__________________
لاتسعى لتصحيح ظن احد بك ££ خالقك ينظر لقلبك وهذا يكفيك