السلام عليكم
يمكن بعضكم يشوف موضوعي بسيط
ومشكلتي تافهه.. لكنها شاغلتني


سبق وكتبت موضوع عن خدامه اهل زوجي
انسانه مستفزه وتتميلح دائما عند زوجي
لكني متجاهلتها تماما
غبت شهور عن بيتهم
ولما رجعت شفت العجب العجاب
لقيتها صارت تمون عليه بالكلام
لما دخلنا رحب فيه
وانا ماناظرتني كالعاده
ولما جينا نطلع راحت تقول له بدلع:
لا تتأخرون نشتاق لكم (بالانجليزي)
وهو ارتبك وقال ان شاء الله
انا هنا ناظرتها بحزم
وقلت له هذا مو شغلك
ولا تتكلمي مع سير بهالطريقه
ضحكت بدلع وراحت وتركتني

كلمت ام زوجي ثاني يوم
لانها ماكانت موجوده وقت الموقف
عملت نفسها متفاجأه وقالت ماتستحي
وقالت زين كلمتيها شغاله وقحه
وقالت كل ما انزعجتي منها كلميها

قلت هذا حلك يا خاله؟
قالت ادري يا بنتي جريئه
بس ايش اعمل ماتتغير
وانا بحاجتها والا ماكان تحملتها


وعالقهوه لمحت لزوجي مافهم
جبتها له كاش
ورجع ارتبك وجهه وسكت
ماكأنه يسمعني
حتى كلمه وحده للذم ماقال
يعني مو هاين عليه يذمها!
قلت له كان الافضل ماترد عليها
قال خلاص لاتكبرين السالفه
وجلس يخترع لي سوالف ثانيه



انا متضايقه ونافره من بيت اهله
وصايره ما ازوهم الا بالشهر مره
بس زوجي كل يومين عندهم
ومايهون عليه يجرحها بكلمه
والا يوقفها عند حدها
وهذا اللي مقرفني منه!
يقول ماتهمني
طيب ليه وجهك يتلخلط
وصوتها يلعلع وانت تبلم وترتبك
ولا عمرك نقدتها رغم وقاحتها


وبعدين يعني
ايش الحل مع هالبجيحه
صغيره وبيضاء وحلوه وفرفوره.. اوكي
بس جراءه وتميلح كذا عيني عينك
لا كذا اوفر


وام زوجي لو هي مو ارمله
كنت متأكده ماتخليها ببيتها ليله وحده