الله يسلمك ويهدي بالك ،بعون الله بترجعي طبيعي ،الحياة كلها معاناة لكن ربنا اعطانا القوة نواجه الصعوبات ومنحنا نعمة النسيان ،انتظري شهر وشوفي وطبعا التحسن بكون تدريجي اضافة لمساعدتك لنفسك يعني الطبيبة بتساعدك تفرغي الالم الي داخلك وبتعطيك الخيوط حتى تستردي ثقتك بنفسك لكن ضروري تساعدي نفسك ،خليك ايجابية ،برمجي نفسك وعقلك الباطن انها ازمة وبتعدي باذن الله ،لا تجعلي لاحتمال استمرار معاناتك اي حيز بتفكيرك بالعكس فكري بايحابية كبيرة وانه كلشي راح يعود كما كان واحسن تذكري ايامكم الجميلة تذكري تصرفات زوجك الحسنة خلال السنوات السابقة ،ممكن تتألمي لكن بنفس الوقت بتساعدي نفسك تستردي ثقتك به وبنجاح الاستمرار معه ومع اطفالكم .

،وفي نقطه مهمة خذيها بعين الاعتبار ،من سردك لحياتك مع زوجك سابقا حياتكم كانت عادية واشبه بالمثالية يعني لا توجد تراكمات سابقة لهذه المشكلة
فطبيعي وقعها كان كبير عليك لانه ما سبق وعانيتي من قسوة زوجك وان شاء الله هذا راح يساعدك على الشفاء بوقت اسرع مما لو كنت منهكة ومتعبة من قبل المشكلة .فقط انت بحاجة لصبر وشوية جهد واعجبني اقتراح الاخت انك تحاولي تجلسي مع زوجك بحضور اطفالكم هذا راح يساعدك .