بيتنا حياتنا بدون خصوصية بسبب؟
السلام عليكم ورحمة الله ،،
انا وزوجي نعاني ضغط كبييييييير
بسبب ؟؟؟
راح اشرح المشكله بموضوعيه وحياديه وصدق
لاني ف النهايه اريد حل من الحكماء
بداية :
حبيبتي ام زوجي احبها واحب امي كثييير بس انا وحده تزوجت وشرطت في عقد الزواج منزل مستقل
منزل مستقل
منزل مستقل
ماطلبت منزل وبس
لكن شرطي الاستقلال
لاني اعلم ان شرط نجاح تأسيس كل منزل ( الخصوصيه) طبعا بعد التفاهم والحب
زوجي حبيبي حط لي مسكن لكنه غير مستقل
لانه فوق اهله ( وانا احبهم كثيييير فقط للتوضيح )
لكن انا وحده ماتزوجت مسيار عشان اسكن عند اهلي او اهلي الاخرين اللي هم اهل زوجي
من حقي انام متى ماابغى واقوم متى ماابي واطلع متى ماابي وادخل متى ماابي
من حقي اتقهوى انا وزوجي مع بعض ونسولف
من حقي نطلع مع بعض من حقي اسوي اي شي
بدون مبررات للي حولي
وانا اكتب طرت علي مواقف ومواقف متعبه بالنسبه لي بس خانني التعبير وانكتمت
ام زوجي - وانا احبها كثير والله- طلعت عن بيت ام زوجها وكانت ام زوجها زعلانه من خروجها عنهم وكانت ام زوجها تقول اذا سكننا ف مكان تسكن ف جهه ثانيه عشان تبعد عنهم وترتاح
وهي تحبهم بس كانت تتعب عندهم وتسمع كلام يغثها
المهم ان ام زوجي تشكلت عندها عقده ان اولادي راح يتركوني اذا تزوجوا ف قامت تشحنهم بشكل غير مباشر بقصص ناس حوالينا تركوا امهم جلسوا مع زوجاتهم ف الغرفه سووا كذا عملو كذا
امك لاتتركها واظهار الضعف له وان مالها غيره ومن هالكلام
عيالها انشحنوا من هالناحيه ع زوجاتهم امي وامي وامي
لدرجة وانا عروس زوجي قال لي كلمه بعمري بحياتي ماراح اسامحه عليها ولازال قلبي شايلها عليه
قال ترى امي اغلا منك !!
طيب ماله داعي تسمعني هالكلمه خلها بقلبك
وانا عروس ابي اسمع شي يسعدني
انا ماني ضد حبه لامه لكن مالها داعي هالكلمه
وانا عروس مالي اسبوع دخلني المطبخ عشان ترضى امه !!!
ماطلعت معه ف شهر العسل >> عفوا شهر المطبخ اسمه واستقبال وتوديع اهله ومجاملات
انا احبهم بس احس اني وحده زايره عند ناس
زوجها ماتشوفه الا اخر الليل
حتى طلعات معه ماتطلع عشان ماينتقدونه او ينتقدونها !!!
تعبت من هالحياه
تعبت وانا اجبر نفسي ع اشياء مااقدر عليها عشان اطلع قدامهم بمنظر كامل ويحبونني وماينتقدوني !!
انا ماني عايشه عشان ارضي الخلق
لانفسنا علينا حق تعبت والله وزوجي اشوف التعب ع وجهه باين
المصيبه ان اهله اذا قصر معهم بشي بسيط وكان مو قادر ع هالشي بسبب ظرف مادي او ضغط شغل التهمه جاهزه زوجتك غيرتك !!!
وشدخلني انا ؟ بس هالشي عشان يتخوف من زوجته ويبتعد عنها وترتاح خالتي اني ماراح اخذه !!! والله ماراح اخذه منكم قسم بالله ههههه
تعبت والله ،، فانيه نفسي وحياتي لهم ومحمله نفسي شي فوق طاقتي عشان مايكرهوني او ينتقدونني
لانهم انتقاديين درجة اولى
قيل وقال
زوجي يحملني مسؤولية كبيره وهي ارضاء اهله ع حساب نفسي ونفسه
والنكته ان امه بنفسها طلعت بمنزل مستقل ف بداية زواجها
وبناتها كلهم ف بيوت مستقله ويطلعون ويدخلون ويسافرون وينامون ع كيفهم ويقومون ع كيفهم
عندي مطبخ بس يطالبني اسوي كل الوجبات لهم
طيب وين الاستقلال ف الموضوع !؟
اكون متواجده معهم طول اليوم
انا عندي ولد يسهرني وابي انام وارتاح واحيانا اكل شي خفيف مااطبخ
ليش اعيش حياه على كيف غيري
انا احب الناس والحياه معهم
لكن بشي معقول وبحدود طاقتي
وانا احب نجتمع ع السفره واطبخ لهك بس مو شي اساسي يعني احيانا اكون تعبانه او طالعه لاهلي او احب اكل شي خفيف انا واسرتي
ليش يجبرني التزم بالقعده الصباحيه والعصريه والطبخ دايما معهم
حتى ام زوجي تلمح لي اني لازم اطبخ لهم دايما
طيب ياخالتي ياحبيبتي عندك خادمه مسؤوله عن هالشي
وبناتك كلهم ياخالتي يزورون اهل ازواجهم زياره اسبوعيه بكامل قدرهم وقيمتهم
ليش انا لازم اتحمل مالا اطيق ؟
وبيتي وحياتي بدون خصوصيه تعبت والله وماني قادره اتحمل اكثر
كلهم مرتاحين ومستقلين الا انا
امه ابوه خواته كلهم الا انا
وعايشه حياتي انا وزوجي عشان نرضيهم ومو راضين !!!
اتأمرون الناس بالبر وتنسون انفسكم
والله ماراح اخذ ولدهم منه وانا بنفسي اوصيه عليهم بس وين حقي انا على نفسي وحياتي وخصوصية بيتي
منزل مستقل يعني مستقل مايحتاج احد يشرحهااا
!
يعني اعيش حياتي ع كيفهم عشان يرتاحون ؟؟
تعبت والله وهي تطلع وتوسع صدرها
بس انا لا عايشه معهم ف بيتهم
ابي البس اطلع اروح اجي
للتوضيح انا والله احبهم وماارضى يضرهم او يقصر معهم
بس بالمقابل ماارضى حياتي انا وزوجي وعيالي على كيف الناس ومزاجيتهم
لنفسي علي حق
وانا زوجه وام حتى عيالي ابربيهم مثل ماابي
بدون تدخلات
وانا عندي قيم تربويه مااتنازل عنها
بس عدم الاستقلال متعبني
وانا لي طاقه تحمل معينه ماابي اوصل للحظه الانفجار
وبهاللحظه محد راح يعذرني لاني الكل عايش مرتاح الا انا وزوجي وعيالي للاسف
وزوجي حاط لي مسكن لكنه غير مستقل
تعبت والله تعبت تعبت تعبت
احكموا بيننا الطابق العلوي لنا
لكن من نقوم الى ان ننام وحنا معهم تحت
زوجي مااعرفه
استقل ابي استقل
التعديل الأخير تم بواسطة ابتسامة قلب ; 10-03-2017 الساعة 04:16 AM
10-03-2017, 04:09 AM
ضوابط المشاركة
العرض الشجري