إذا الوحم مابدأ معك اصبري لا تقررين شيء
كثيييييير نسوان وحمهم فقط بالطفل الأول، أمي كانت كذا ماشاء الله
خصوصا إذا الحمل الثاني جاء بسرعة يصير جسمك متعود على هرمونات الحمل ومايتأثر بنفس القوة يوم كنت بكرية

أنا أشوف أهم نقطة إن زوجك ماتغير مسكين بس أنت مكبرة الأمور

لما أخذك كنت نفاس والرجل أحيانا إذا حضن زوجته مايصبر خاصة إذا كان من زمان عن العلاقة وهالشيء يضايقه جدا لأنه ممنوع يتمادى
فصار يعطيك ظهره ويحضن المخدة وللأسف أنت مافهمتي ونشبتي له

وبعد ذلك حاول يرجع لكن فعلا وجود الرضيعة يغث والرجل تلاقينه وراه دوام ويحاول يجاملك بالنهايه يقلب عالجهة الثانية ويخليك أنت وبنتك وأشوفه فعل طبيعي فيه رجال يقولون لحريمهم اطلعي أنت والطفل وخليني أنام وراي دوام وتعب ماله داعي نسهر اثنيننا

فأنت خففي من الوسوسة والتدقيق ماشاء الله واضح إنكم تحبون بعض وزوجك ذوق ويحاول مايكسر خاطرك
إقعدي ببيتك إذا بتتحملين، وروحي إذا تعبانة وماتقدرين

وممكن تخلين طبخك هالفترة أشياء بسيطة مكرونات وساندوتشات ومرات حطي فول وبازلا معلبات يعني وجيبي حاجات مفرزنة من الأسر المنتجة عشان يخف الضغط

وتطمني جدا من ناحية زوجك ماشاء الله ماراح يتغير إن شاء الله بس الحياه ماتمشي على نظام واحد أكيد إذا فيه طفل رضيع بتنشغلين فيه ثم ترجعون أحسن من أول
لأن الأزواج اللي بينهم تفاهم كل سنه يقربون من بعض أكثر من السنة اللي قبلها وأنتم يبدو من هالنوع الله يحفظكم ويتمم عليكم