كم عمرك إنتِ ياسام ؟
اقل من 17 يمكن ألتمس لك عذر .. لكن أكبر هذه مشكلة عظيمة ؟؟


تدرين وين المشكلة ؟
المشكلة ان كل البنات اللي نفس نظامك في الإسلوب واللي تلقط عبايتها وتزعل وتروح وتسوي نفسها تبي الطلاق وتبي تنظر للإنفصال بجدية هم نفسهم اللي تمووووت وتنتحر لو تجلس يومين زعلانه عند اهلها وهي اللي بعدين تكلمه وتتصل وترسله وهو اللي يطنشها ! يعني ما استفادت من العجلة والطيرة وتصغير العقل إلا إهانة نفسها بس مير لو انها تصمل بنقول وجهة نظر !!


ياسام أدّبي نفسك ببعض الآداب اللي تنعكس على بيتك وزوجك ويصير يعاملك هو بعد فيها ..
الرجل له إحترامة وهذه حقيقة ودنا ماودنا برضانا غصبا عنا الرجل له إحترامة .. لاتكلمتي معه تكلمي بأدب بإسلوب صوتك لايرتفع عليه .. نظّفي لسانك معه اشكريه استأذنيه قبل أي حوار !! إختاري وقت مناسب ياشيخة هذا أقل شيء !! وقت مناسب وجلسة مناسبة نناقش فيها موضوع جوهري في حياتنا !
وفيه ظروف خاصة وفيه أمور إضطرارية مثل لما يكون عنده مشكلة معينه ومؤلمة أو أنا عندي لازم نراعي هالظروف ونأجل كل الاعتبارات ونوقف مع بعض لين تنزاح الغمّة .. لو انتِ تتكلمين بأدب وتختارين وقت مناسب وتناقشينه بحجة وذكاء وفطنة وتراعين الظروف هل تعتقدين بيقدر يتعامل معك بعكس كذا !؟ لأن انت تعطين إشارة إنك مهذبة والحياة والتعامل معك لازم يكون بنفس الطريقة من الرقيّ ..

الرجل لايمكن تعجبة إلا (المرأه الذكية )..
أما الضوضائية العشوائية النكدية الثرثارة في كل وقت
وأيّ وقت لايمكن تعجب أحد ..

وفيه نقطة مهمة لازم تجدولين حياتك وترقمين النواقص حسب الأهمية ..
1-أنا والله زوجي الآن عاطل لازم يشتغل
حلوو خلاص نشتغل على هالنقطة لين ربي يفرجها وهكذا


وفيه شيء مهم جداً جداً جداً ..
الوحده تجلس في مشاكل ومد وجزر والاحترام معدوم والأساليب بينهم دمار
واذا جا ذكرى الزواج او ليلة عيد راحت وجهزت الليالي الملاح !!!!!
ياستّي اذا صار ماعنده فلوس يعطيك وماعنده يجيبلك هدية وانت عارفه انه ماراح يجيب لاتسوين حفلة تتكفلين انت فيها فقط بالدفع ! هذا الغلط وهذا فتيل المشاكل لانك عارفه انه ماراح يساهم !!!
كان بهالـ 200 رحتي وسويتي تنظيف البشرة اللي نفسك فيه !


هذه مو ضرورة في الحياة الزوجية
الضرورة هو الاحترام وترويض النفس والتعامل الطيب وحل المشاكل بصورة صحيحة